Genki 秋の宴+新極上之選

 尖.. 阿瘦, 話時話我地宜家小食左Genki, 最主要好似質數差左d同埋好似無乜特別野食敢?! 睇你下連蝦魔都小食左呀...

  好似秋の宴預左係秋刀魚做主不過估唔到做到12月都重有喎, 最後食左兩碟因為都無其他新出?! :p

 熱食多左, 原來豬頸似都屬秋の宴架..., 不過都ok...

 尖.. 怪物軍艦呢d唔小得...

 呢款怪物唔係新出只係復出...

 新極上之選好多都唔吸引因為熱食多燒牛肉、牛舌、鵝肝..., 明明左口魚裙邊係大滿足黎點解會轉左係極上既呢?!

 尖.. 食熱食更係食炸蝦卷好過食牛舌、鵝肝啦... :p

 好彩重有我最愛既炸雞中翼咋!!

 尖..怪物.. 怪物...

 最後都係食番d平時食開既好過... :p

 都話左蝦魔出動小左啦... :p

佢寧願要三文魚咋...

聖安娜餅屋換Qoo 2015月曆

 古仔 :[嘿... 嘿.. 每年到左呢個時間最期待既就係港版Qoo唯一推出既既精品就係月曆啦, 同平時一樣都係係聖安娜買夠6包Qoo果汁就送一個!! 今次2015年版出得好正呀!! 封面多左隻Qoo羊先啦...]

 揭開你會見到多工能左, 頁面係月曆頁底你可以用黎記事...

 揭幾個月份既Qoo仔睇下先, 都話我地鍾意兔仔架啦要同佢自拍添!!

 呢隻猩猩係Qoo仔最早期既朋友仔黎港版依然會見到佢...

 有無發覺Qoo仔隻角尖左咁多咁既?!

 重有Qoo Logo上方經已跟隨日韓版一樣加上Minute Maid既Logo

 嘿.. 今次個月曆正在你見到最尾幾頁有分隔, 原來可用黎當告示牌敢用添...,飲住Qoo之乳酸開會... XD

 嗯... 我都想放假...

 更係要去郊遊一下啦!!

 我唔駛返學呢個我用唔著... :p

 呢個係最好用既一個, 笨鼠你見到識做啦!!

 底頁重送左張貼紙添架!! 今次真係好抵換咯我要換多幾個至得!!

有成16張Qoo貼紙呀!!

怪獸呀 ~~ 有乜好驚...

 Mickey!! Mickey!! 嘟.. do.. 嘟.. do.. 嘟.. 今日天氣凍左所以可愛米嘟都要著番件被先!!

喂!! 喂!! 三色貓你係邊樹捉左隻怪獸番黎呀!!

 尖.. 尖Five隻怪獸係帶返黎架!! 係怪獸公司最新出品...

米五 :[呢隻係大眼仔細個玩果隻公仔黎架咋...]

尖.. 大眼玩大眼怪敢咁我地老鼠咪唔玩得?!

米五 :[有4隻腳咁多好似我地食開既怪物, 就更係照玩啦!! 怪獸=怪物之嘛... :p]

 用黎釣貓都得呀!! 喂!! 三色貓你做乜咁想要佢呀?!

睇你玩得好開心唔驚都有...

幾米快勞

 尖.. 尖five, 我同阿肥哥唔好以為淨係識食我地重一齊換左個幾米快勞番黎架, 不過德福廣場宜家d抽獎都幾姑寒下係真咯, 叫做好過無野落袋咁啦... :p

MOS Burger - 法式扭紋冬甩

 尖.. 阿肥, 有甜點更係要o習埋先講, 呢次重要包運送添喎, MOS Burger新出品笨五哥話一定要試下, 連套餐買+$20, 實際係$15一個... 

有三款味, 朱古力、焦糖、草苺

 米五 :[呵.. 呵.. 無Burger新都要食番個新出至得!! 你估我叫左個乜味啦... :p]

 尖.. 阿肥, 其實係我想食草莓味唔係你話要乜就要乜, 等我咬左先講!! :p

米五 :[你個衰仔真係一打開就衝埋去錫左一大啖...]

尖.. 阿肥, 拎番黎就更係有得食架啦... :p

 米五 :[算!! 估唔到由我代言既MOS Burger都失作, 呢個冬甩食落其實似puff cake x pancake, 入面有吉士+Cream+塊香蕉, 可惜個冬甩唔鬆化咬一啖都feel到唔多掂, 阿肥你同我食埋佢算啦...]

尖.. 阿肥, 我唔會客氣, 下次我會食埋你個Burger... :p

一粒粒既芝士與芝麻

 尖.. 阿肥, 老鼠更係要食cheese啦, 撈飯都要重要一粒粒燒喎, 正呀!!

 尖.. 尖five, 跟阿肥哥開餐幾開心可以一鼠一份!! 有個8字既魚蛋古仔你想食嘛?!

阿哥有粒粒cheese我有粒粒芝麻, 個芝麻雞翼食落口感好似食緊煎堆咁都有, 真係神奇!!

食個Brunch x2

 尖.. 阿肥, 見到我好似更係有d新野食既... :p 

奧海城開左好多貴野食, 我諗呢間cafe都算係無乜名果間, 見到d Brunch好似咁多野食, 我大食肥就鍾意入去試下無坊啦... :p

 尖.. 尖five, 話明Cafe Two我就同阿肥哥一齊黎開餐啦...

尖.. 阿肥, 你黎目的係想補食多餐即...

 班尼迪蛋聽得多但未食過, 我要試下先都幾漏下..., d豬肉腸就無乜味當中和下... :p

 cafe更係要叫杯coffee先似樣既, 都好飲喎!!

尖.. 阿肥, 除左個法式多士感覺唔多好外, 其餘都ok最鍾意塊熱辣辣既薯餅!! 呢兩碟炒埋一大碟兩隻老鼠就岩晒啦!!

尖.. 尖five, 係兩隻尖鼠+兩隻大鼠呀!!

聖誕帽毛毛鼠

  Mickey!! Mickey!! 嘟.. do.. 嘟.. do.. 嘟.. 我係聖誕毛毛鼠米五, 係呢個irorio出左呢款聖誕帽好似幾岩我, 重有幾個size簡添所以咪買頂試下咯, 都唔錯呀!! 呵.. 呵...

 忌廉two你黎試下啦, 好似你重岩d咁喎!!

  岩岩好笠住自己頂畫家帽fit晒!!

古仔 :[嘿... 其實我都岩戴架!! 話時話明明有聖誕毛毛米奇咯, 笨鼠你就咪扮啦... :p]

Bossini x Snoopy

古仔 :[Bossini x Snoopy系列都出左成個月架啦, 因為無乜特別都無乜好講, 唯一吸引係買滿$800 & $1000送果套單人或雙人Snoopy床單連枕袋, 不過要買夠$1000真係好難諗唯有放棄... :p 指定三間店舖中會擺間狗屋同埋有印章過你印下, 不過見到時經已完所以無印臺比我印啦...]

Disney Channel奇妙十年派對

 尖.. 小三米, 尖five細佬我知頑皮小米奇除左係兇宅有得送之外, 我重係樂富廣場見到佢呀!! 全部都係慶祝Disney Channel奇妙十1年既活動黎架!!

 好似呢套Fish Hooks卡通都幾特別原來係講呢班金魚既大學生活... XD

尖... 不過呢處既展覽其實大黎黎唔算吸引, 我都係想入迪迪尼多!!

7-11今日開始都有Disney朋友仔LIGHT PARADE花車換啦!!

好大隻癲噹呀!!

尖.. 尖five, 咁大隻癲噹擺係中原電器做代言喎, 幾時輪到我地呀?!

營養餐

 尖.. 尖Five今次只係食得一餐, 所以我要求補數呀!!

 重要係早餐黎咋, sorry其實係常餐... :p

 北海道牧場餐廳都係食開麥兜叫開食果d啦, 今次試下塊厚餐肉都無乜特別... :p

新出左幾個款營養餐, 因為無乜味道, 白烚雞肉闊條麵加芝士汁真係撈起後都無乜味, 好彩配碟蘑菇汁肉丸即, 食落有d似宜家肉丸敢...