好多蝦呀!!

 尖.. 阿瘦, 食完吱再去食蝦全部都係好豐富, 之不過大鼠失落左個全醬甜蝦沙律... :p

唔緊要重有怪物!!

 我既至愛芝士法包好耐無食啦!!

 蝦得黎都有新野食架有蝦又有怪物既燴意大利飯

重有甜蝦粗管麵都唔錯!!

越南?海南雞飯

 尖.. 阿瘦, 原本諗住去漁屋食抵食lunch不過食放題既佔晒位等唔到唯有又轉去食越南luch set啦因為都算幾抵既, 上次小三米簡左咖喱無食到海南雞等我今次試下先!!

估唔到都幾特別, 因為特別多左兩塊菠蘿... :p 個薑蓉又唔錯喎、重有酸汁都係, 至於雞飯都ok

乜再黎都係雞, 塊雞扒+蔥薑都正呀!! 兩個飯食到好飽... :p

5眼外星小熊??

 Mickey!! Mickey!! 嘟.. do.. 嘟.. do.. 嘟.. 報告出奇米五發現左一隻5眼外星熊??

 um.. 唔知點解重有塊紙板duffy出現架既??

 喂!! 5眼尖鼠?? 

尖.. 阿肥, 我拎返黎更係要試架啦... :p

 原來買左件三眼仔太空衣... :p

 迪迪尼出品架!!

 我更係唔執輸要試著下, 不過好似有d緊喎?! :p

 衰笠唔到頂帽咯... :p

留比你啦小小熊...

小熊: 我買到白熊同我玩啦!!

 小熊: [我終於係古公館度搵到白熊同我玩啦!! 但估唔到係要買返黎既? o依, 佢重係有珍珠既貴價白熊黎添?! 不過點解佢size細過我既?! @.@]

 最開心佢重送左張小熊梳化比我...  

 睇下有埋我家族既小熊印架...

 原來佢地都係來黎自大阪梅田店限定黎...

富貴白熊你快d同我玩啦!!

一齊坐梳化睇肥魚傳說都好喎!!

 米五 :[喂!! 你同白熊玩得啦留張相化過係敢... :p]

尖.. 半肥, 張梳化係我搬返黎架更係用啦!!

荃灣一田魚屋

 尖.. 阿肥, 唔係得貓鍾意食魚我阿肥都好鍾意週圍去食魚, 荃灣一田美食廣場既魚屋有D似AEON果間魚丼, 應該話相反先岩好似係一田開先既... :P

睇menu就兩者差唔多, 所以要試下有乜唔同先? 蝦魔發辦就更係要赤海蝦啦, 3隻大蝦好似更大隻好肉d添, 三文魚就普通, 飯底就多蔥花...

 每個丼set都有碗三文魚麵豉湯, 係估唔到唔係細杯碗仔而係大大碗又多料!! 味道重好適中添!! 要趁熱飲呀!!

尖.. 呢度menu好似無銀鱈魚西京燒喎? 所以試下另一最愛燒鰻魚丼啦, 都好大隻唔錯呀!!

不過呢度位小d想堂食真係要提早黎食至得...

癲噹x千色店popup-store喎

 尖.. 阿肥, 荃灣有癲噹喎!!

 千色店27週年 x 癲噹真係估唔到有呢個組合... :p

 開埋popup-store添, 差d想帶隻鹿仔癲噹返黎比古仔... :p

 古仔你快d黎呢度同癲噹影相啦!!

 唯一係呢隻大癲噹個樣有d怪敢?!

天熱啦行完去兜巴星坐低飲返杯先... :p

家嚐飯

 尖.. 阿肥, 都唔知有無搞錯同特大鼠食足一日都唔知我係阿肥, 乜我瘦左咁多變半肥咩? 你見到我有新野食都知唔會係佢啦... :P

不過唔緊要我有得試新野得啦, 呢餐就標明無落味精既家嚐便飯...

 尖.. 右邊雜菜湯正D因為蕃茄味濃正呀!! 左邊南瓜湯就稀左D, 食西餐幾時都係紅湯正... :P

 呢度D菜名好多, 我要呢個忌廉芝士蘑菇釀雞翼配卡邦尼意粉

 尖.. 隻吱翼最正呀!!

再黎都係好長露絲瑪莉鮮茄茸低溫三文魚意粉, 味道好鬼住家feel呢都唔錯!!

打孖上芝味蘑菇安格斯

 Mickey!! Mickey!! 嘟.. do.. 嘟.. do.. 嘟.. 今日5月5日happy friday米五!! 呵... 呵.. 呵...

尖.. 重有我尖five呀!! 好多個5!!

米五 :[唔好講咁多burger要打孖上齊齊happy!!]

尖.. 尖five, 其實係放假果陣o習啦!!

米五 :[我地無幾可會豪食老麥the signature coolection架!! 因為婆婆話想食喎, 個包真係唔同左喎叫法式甜包..]

 尖.. 等我睇下係咪真係有雙重cheese先, 一塊黃色一塊橙色cheese

米五 :[再配蘑菇同埋唔知食唔食得出既松露風味醬既130g安格斯牛, 算係敢啦... :p]

McCafe x Line Friends熊大保溫杯

 米五 :[喂!! 呢個禮拜好多假放好hea下敢喎, 熊貓你係熊唔係熊大喎...]

 飲咖啡食撻唔係我專利咯...

 你兩個唔聲唔聲去變左隻杯返黎, 有無買埋burger比我呀??

 淨係得個杯咋?? @.@

 搞錯呀d coupon淨係換到McCafe既飲品, 我重有幾張兜巴星都未飲喎, 全部都無burger換既... V_V

 兔兔你釣唔到我架去釣古仔啦... :p

 古仔你做乜走出黎呀... :p

我要食Burger唔食饅頭呀!!

街坊價日本料理

 尖.. 尖Five我今日鼠到入黎屯門食lunch呀, 有間街坊價日本料理每日都唔小人等位既, 我知特大鼠都靜雞雞食過一次... :p

Lunch真係好多選擇架有定食、便當、刺身丼、丼、拉麵即係乜都有, 每位重送一杯飲品添架!!

 尖.. 等我試下個怪物烏冬先, d烏冬好食呀!!

 呢度一定要簡飲芒果橙汁呀!!

怪物+三文魚丼配料好齊撈起黎食好夾!!