Mickey!! Mickey!! 嘟.. do.. 嘟.. do.. 嘟.. ~~ 為食米五好耐無同大家見面啦!!
不過為左丼丼屋個假日特餐(只係德福分店有)我經己捕左兩次先食到, 上次去就因為時間錯過左, 因為佢假日限定特餐既時間真係好特別, 每個禮拜六、日都有唔同, 一時就1-3pm推出; 一時就3-6pm推出, 最最緊要原來重有售完即止... =.=!!
第一次原本想5pm後入去當晚餐食啦點知果日原來係1-3pm推出; 好呢次終於果日一早就走去問左先推出時間係3-6pm所以我就食到啦!! 不過點知... =.=!!
首先都係講下點解會吸引到我米嘟去食啦, 你睇下個價錢同埋有咁多野食係咪好抵呢?!
點知我最想食既刺身定食竟然落order果陣話無晒啦... =.=!! 究竟今次係一早比人食晒定係無預定今次會出呢, 上次尖鼠細佬們黎食完後報告係見到呢個刺身定食先釣到我米嘟出沒架嘛!!
黎到就點都要擦番一個特餐架啦, 敢唯有改要什錦天婦羅定食啦!!
刺身大蝦變左天婦羅蝦咁咯, 不過都好食架!!
尖.. 阿瘦, 我又唔好彩遇正要同笨五哥出沒呀, 好彩佢叫唔到佢想食既特餐即, 咁我就可以幫手食埋佢果份多d咯... :p
沙律呢家野佢就更係局左食左佢先啦...
尖.. 個餐都有兩片三文魚刺身架!!
全個餐最推介係呢兩件牛肉卷啦, D燒汁好入味架, 用埋黎撈飯更正!!
米五 :[食唔到刺身蝦咪直接叫個北海道刺身丼咯, 想食既唔只隻蝦, 最緊要係果幾片怪物呀!!
哎呀!! 隻蝦想食番我呀!!
尖.. 特餐有甜品同野飲架, 不過呢個雪糕就太多粟米片啦, B.B見到一定好Happy!!
米五 :[我無諗住預埋佢份... :p]
今次連凍飲都無得簡, 只係得橙汁一樣咋, 算!! 我下次一定要黎食過!!
