唧唧芝士薯條

 米五 :[我地佔領古公館經已擺晒地攤開大食會啦, 尖Five重幫我地大量入貨添呀!! 最新出既嘟嘟芝士薯條呀!!]

 就連Batman都黎支持我地..., 幫我地爭取埋黑夜為食鼠時間!! 呵!! 呵!!

 之不過老麥d薯條真係唔得呀, 經己係留下買番上黎即食架啦, 凍既你唧包芝士醬落去都唔會令佢融合埋啦... :p

Hello!! 我係No.9阿哥話唔好多食, 所以叫我幫手食晒佢喎, 唔緊要啦!! 我都係第一次食架咋, 以後都要係古公館爭取多d黑夜開餐時間至得呀, 最好樣樣佢都唔鍾意食我就幫佢食晒佢!! :p

米五推介: 超!! 好味既芝士米餅

 米五 :[我都發動米鼠佔領古公館!! 不過首先要預備定大量乾糧至得!! 就係一食上口唔會停既芝士米餅啦!! 真係超好味架!! 見到多多貨都要入呀, 唔係點樣餵飽我地一班兄弟!!]

夾多幾餅隨時週圍鼠隨時食!!

聾貓旅行用品

 Mickey!! Mickey!! 嘟.. do..嘟.. do.. 嘟.. Captain Do出場!! 

喂!! 焗聾肥野上機前4寶本機唔會贈送, 想要既就玩下遊戲睇下fb就會拎到... :p

 100ml旅行用聾貓樽, 話明旅行用裝d乜就你自己諗啦, 不過睇佢3條野都唔係咁想比你裝野敢喎?!

 嘟嘴樽真係好有動感架, 就連包裝都有唔會擺錯...

 不過要帶埋包裝上機就唔駛啦, 重要3個咁多呢d都係留屋企得架啦... :p

斷估呢個化妝袋都塞你唔入架啦, 唔好做d無畏野咪以為咁樣就呃到我上機, 我架機超載飛唔起架!!

我無呢支電車車長Qoo呀!!

 古仔 :[搬左過黎新blog最煩係無晒d舊野, 要搵番自己d Qoo就要係咁週圍摷好唔方面, 最衰係摷極都無?! =.= 搞到有d好似未見過又唔肯定有無既唔知點好??]

14新版Qoo橙汁多過蘋果汁架, 所以我重差呢支扮電車車長無呀!!

黎Tea Wood係要食d輕騎野先岩

 尖.. 阿瘦, 我地就黎去晒咁多間Tea Wood啦, 今次真係要精明眼我地係黎食甜點多過食熱點, 不過都見有新野食喎...

 兩樣都係怪物...

 溏心蛋識得格劍架...

 肉燥豬豬同雞雞你地引唔到我, 因為我今次係黎食甜點!!

 尖.. 所以我淨係叫左碗台灣齋麵... :p 湯底同麵都係平食開既台灣麵差唔多...

 其實我係食左個炸雞排麵呀, 雖然塊雞扒都炸得唔錯但好似薄左d咁喎, 唔通一開二既?! 小王果塊厚佢好多咯... :p

 更係要試下新出至得啦, 估唔到份量咁細

 怪物片似食緊魚片多d, 怪物汁麵黑黑食到嘴都黑黑, 一般貨色...

 尖... 都係食番件呢度我至愛既提拉米蘇緊要d!!

 再黎多個芒果雪糕奶酪, 如果雪糕加多球就好啦因為好食咯...

奶酪就普通其實應該走左佢加夠3個雪糕球更好賣!!

美心MX - 聾貓廚神.聾住玩．聾住賞擦擦卡

 尖.. 阿瘦, 笨五哥我食完餐飯都拎左張肥野餐紙黎益你呀...

米五 :[你叫佢比碟焗豬我有鬼用咩又食得... :p]

 米五 :[我係想抽到呢兩樣呀!!]

 尖.. 阿瘦, 我都拎多左兩張番黎抽啦, 第一張都係唔中呀...

米五 :[超... 即擦賞都係得杯汽水重要限買邊款野食先送喎...]

尖.. 阿瘦, 重有一張希望今晚會中啦... v_v

米五 :[我比你去食多幾餐又點話, 不過要抽中至好喎... :p]

美心MX聾住食日日賞

 尖.. 阿瘦, 肥野你食唔食得架, 你跳左區做埋肥廚呀?

呢期可能要密密食美心MX因為有聾住食日日賞呀!! 食滿$40有擦擦card一張每日登記抽獎限136名送出MX廚神御用聾餐具 / MX廚神御用小聾碗其中一款, 你話每日要去食幾多餐至好彩抽得中呢?? @.@

 尖.. 都係講番我o習左一碟火腿炒飯底既葡汁雞扒...

 古仔唔好搞錯上面果大粒唔係咖喱魚蛋黎, 不過呢個都係魚但只係係炸魚咖喱... :p

d咖喱汁好似食開既咖喱魚蛋汁味道咁喎...

Colgate送Chocolate Rain 5.3吋餐碗

 Mickey!! Mickey!! 嘟.. do.. 嘟.. do.. 嘟.. 可愛鼠米五又出動啦...

我係唔會理古仔同尖鼠佢地左一句右一句吋我既... :p

我地每個角式扮演都有唔同嘛, 所以我係唔會比古仔呯完後... 啪架!! :p

都係講番我既萬寧妹妹又出動啦, 今次係Colgate送碗呀!!

 Toal有4款紅、黃、藍、紫, 主題都係Eat & Play啦, 唔知萬寧妹妹間cafe會唔會用佢黎裝野食呢??

 不過佢係叫大家先去刷左牙先食野架喎...

 總之唔係去食牙膏啦... :p

 我都想同萬寧妹妹一齊食chocolate同cheeese cake呀!!

 隻bear好似無牙喎... :p

萬寧哥哥唔駛刷架啦我一樣得一點... :p

番屋企飲奶茶

 尖.. 半肥, 無法食得唔好番屋企飲番杯幼茶補數... :p

杯奶茶size岩岩好!!

Iberico King(黑毛豬王)

 尖.. 半肥, 尋日打風呢處無開工... :p

都係講番同笨五哥食野真係會隨時中招架, 諗住係CookedDeil試下新開既lberico King啦

 中文直譯黑毛豬王, 原來除左POPCORN新開之外, 其實先開第一間係係Time Square架喎

 斷估應該都唔差掛? 點知呢碗黑毛豬頸肉素翅拉麵真係唔掂呀!! d黑毛豬頸肉竟然逆紋切不特止, 最緊要係咬落去好似趙爛布敢至咬得開, 硬到死點食呀?? 湯麵亦都好唔掂咯...

 Mickey嘟..., 嘩!! 好大煙呀!!

米五 :[淋埋D汁落去重大都係閃左先, 唔係喎我個黑毛豬鐵板豬肋條D豬條好淋呀!! 不過味就真係除左真係有一大陣豬味之外, 其實個醬汁都好似無乜味敢, 但豬味就真係幾濃同幾淋既...

不過如果比我簡同樣係鐵板既話我都寧願簡食Pepper Lunch好食好多咯... :p ]

尖.. 半肥, 都係你衰啦, 整鬼我食左個唔好食既豬頸肉...

米五 :[新野食我都知架, 同埋好似POPCORN呢度既CookedDeil好似水準都比其他幾間真係差好多咁喎, 所以佢既人流更係唔多大把位淨, 你求其去下APM同Habour City兩處就清楚個比較架啦... :p]

尖.. 半肥, 咁我地又黎... :p

米五 :[因為我係呢處可以鼠出黎無人理咯... :p]

尖.. 半肥, 咁你以後都唔好出黎啦, 我唔鍾意同你一齊食呀... :p

煙黑椒牛肉法式麵包

 Burger Mickey Do出動啦!! 我真係好耐無食過MOS Burger啦, 呢次有新野都轉折等左好耐先食到, 重要係特大老鼠約我食喎, 我更係唔會推啦!!

今次法式Burger有d似去左食super sandwich咁喎?!

 唔係硬身既法包再配凍煙黑椒牛肉, 千島醬+圓粒芥辣夾埋真係似去左法國迪迪尼呀?!

 由美式Burger轉左食歐式米奇都一樣鍾意架啦!! 尤其我係代言!!

 一不離二更係食多個日式Burger大滿足一下啦, 必食既炸蝦堡... 嘟!!

 尖.. 半肥, 唉... 抽中同笨阿哥一齊去開餐真係無運行架, 深係留番包薯條比我... :p

搞到我要過隔離酸辣粉店到買個炸燒賣試下先, 麻辣食唔到所以改叫椒鹽, 黑椒牛肉burger食唔到唯有食椒鹽炸笨鼠, 講錯係椒鹽炸燒賣至真... :p