尖鼠西遊記~阿元來了

 尖.. 半肥, 我要去西區搵食, 坐MTR逐個站都要鼠下先得, 等埋最遲開放既西營盤站岩晒做我第一站!! 睇下我點樣係MAP度鼠晒成個站啦... :p

 尖.. 你都咪話唔正原來呢度d幾個出口都係要用登山電梯架!! 得10%體力大鼠就岩晒啦, 我地上山啦!!

 話咁快就到最頂般咸道!!

果頭上山然後行過隔離沿正街落山, 因為我地去既地方係唔上唔落... XD 咁更係簡上左去轆返落黎化算啦... :p

先落一街係高街實際係第四街(不過死字唔好聽喎), 高街有間韓國炸雞都好似好吸引...

不過大鼠話台灣野咁佢要睇下先, 咁就再行下落到黎正街!! 

  轉過左手面呢度係第三街我排第三岩啦唔駛要第五街架啦, 直望最篤係高街鬼屋, 不過光天白日去黎做乜?! :p

 尖.. 終於黎到阿元來了!! 個個都走黎試所以好多人排隊, 其實隔離果間韓國cafe都有唔小人架喎...

 好彩早到排得都算快啦(有無20min呢?!) 門口擺左好多野...

 如果有車叫外帶就最方便, 因為間台好細坐位好小

 一邊廚房, 對出經己係密麻麻既位, 不過裝傷到似台灣d大牌檔咁...

 野食唔多, 蚵仔煎要下午茶先有, Lunch時間等唔到啦...

 尖.. 叫左幾樣試下

 小枱想流轉得快唯有叫大家食30min好啦, 我每樣咬一啖既都好快既即...

 魯肉飯到, d滷肉同我一樣都係半肥架... XD

呢個飯應該係呢處最正果樣, 味道唔錯!!

 尖.. 叫芒果綠茶無衰所以都無乜特別

 試下麵麵先, 香菇肉羹麵, 羹呢D野特大老鼠就最鍾意...

再黎既係鹽酥雞, 你睇我個樣就知ok啦, 小王既好食d咯, d雞似大隻雞割晒啖啖肉出黎所以口感有d唔同咁咯...

 好快食飽重去對面買埋手信, 再行落第一街搭去第二個站先...