米嘟生日會食當奴

 尖.. 尖FIVE, 笨阿哥生日我送左隻當奴比佢啦...

 米五 :[我好似同你一齊買黎慶祝咋喎... :p 第3批美心TSUM TSUM甜點出左我老死當奴呀!! 更係唔會放過佢啦!!]

 呵.. 呵.. 你唔好怪我食左你呀!! 我都係食入面杯楊枝甘露即... :p

 

食完你跟我返去一齊玩疊疊TSUM TSUM啦, 岩岩好加埋米奇、三眼仔3隻一齊疊呀!!

聽日古仔同阿媽生唔知食乜好呢?! 等我飲晒佢雪櫃d Qoo先... :p

926麥嘟嘟生日會

 Mickey!! Mickey!! 嘟.. do.. 嘟.. do.. 嘟... 可惡~!! 我又比人呃左大雨出黎開完生日會就得呢一餐咋... :p

 呢.. 就係呢杯功夫panda既特濃咖啡新地咯...

 尖.. 尖five, 笨阿哥我都無投訴黎同你慶祝生日啦, 無炸雞食都食返隻炸雞翼先... :p

不過話時話你係926生日既咩??

尖.. 雖然只係麥噹噹搞生日會不過有得食唔係成日出既脆薯皇我又唔介意... :p

癲鼠太公

 Mickey!! Mickey!! 嘟.. do.. 嘟.. do.. 嘟.. 癲鼠米五!!

嘩!! 嘩!! 嘩!! 邊個夠我醒搵到咁既既珍藏

 有我阿爺、太公啦..., 呢個系列好似出左兩代架啦?!

 都係拎返我隻1928年癲鼠太公出黎先!!

 呵.. 呵.. 你見唔見到佢頭頂執毛, 又醒又型呀!!

我果執都唔及佢呀, 更係啦我係佢個曾孫黎咋...

Chocoolate x Chip 'n' Dale

 B.B :[好耐無見我特工B出動, 我都話我受歡迎架啦唔係都唔會有我既獨立新系列發佈!!]

 我呢次去做探子研究下收集邊件返黎好好呢?

 我都好耐無見過隊長A.A添!!

其實佢古惑過我架, 你下佢個樣就知啦, 我都係奉命行事架咋... 

鮑汁雞腳點鮑汁

 尖.. 小三米, 我又黎嘆茶, 呢度鮑汁先係主角, 除左用黎擦雞腳之外...

 尖.. 連雜菇餃都可以點架...

 嫌北菇雞飯d豉油唔夠既話加兩羹鮑汁就正啦!!

 你無估到食炸兩其實除左豉汁都可以點埋鮑汁... :p

 尖.. 我諗係得叉燒包唔會點... :p

以上係大老鼠食法... :p

Lunch要食飯

 尖.. 小三米, 笨五哥開親餐更要中伏架啦, 點解? 因為佢專搶我地野食咯所以要等佢中多幾次伏先得... :p

Lunch要食飯加一人一杯凍飲, 蜂蜜爆珠+巨蜂堤綠茶又係d古怪組合

 不過唔知點解今次杯芒果凍唔掂, 我諗係因為d沙冰唔夠冰重有d芒果熟過頭?! :p

 話左要食飯嘛呀嘛, 睇鰻魚蓋飯d菜都好搞笑下喎, 我好似去左深山食飯咁既??

個燒雞白咖喱飯d雞燒左好耐先黎到呀...

中伏宇治抹茶甜點

 米五 :[係呀!! 我餓鼠同kuma熊貓等左個成禮拜終於開到個雪櫃拎呢個宇治抹茶甜點出黎, 點知... 中伏添!!]

 就咁睇好似幾吸引架嘛?!

 入面一大袋抹茶寒天 + 紅豆

倒出黎就係敢, 好多糖水咯!! 食落口甜唔緊要但好怪唔match有d酸酸地, d寒天又無抹茶味喎, 再加埋d紅豆重難食呀!! =.=!!

我未食過咁難食既甜點, 早知買兩個東凍食算..., 邊隻尖帶返黎益我架你地好認頭啦...

Jagabee牛油醬油味

Mickey!! Mickey!! 嘟.. do.. 嘟.. do.. 嘟.. 為食米五出動!!

呵.. 呵.. 呵.. 比我係759大手掃左o習QooB牛油醬油味返黎啦!! 呢隻正呀!! o習晒佢先係敢...

$10 bear

 尖.. 半肥, 平時大老鼠好鍾意去搞呢個牌子隻貓頭鷹架... :p

咁岩得咁橋佢清貨等我接隻bear返黎先, 1001隻所以我係咁癡住我要我帶佢返黎咯, 又估唔到平到只係$10...

 見佢咁可愛用咁既眼神望住我想唔帶佢返都唔得啦!!

 所以一返到黎就係咁撲住同我玩啦!!

未見過細過隻鼠既bear呢次要見下啦, 佢好乖架!!

食泡飯唔食湯麵

 尖.. 半肥, 係香港開麵檔唔可以淨係賣麵架, 無論係中西日式都係一樣... :p

所以連Ringer Hut初頭賣麵都要加日式咖喱飯、炸蝦飯咁, 再整埋下午茶有薯條...

今次夏奏除左冷麵之外重有泡飯...

 煙三文魚蕃茄湯泡飯, 就咁睇賣相都幾吸引, 因為好多蕃茄呀!!

 尖.. 驚d湯比d飯索晒所以佢重比多碗湯你添...

 尖.. 招牌長崎雜菜拉麵都要食既, 不過宜家轉返無細碗, 只有大份同精準, 話時話其實係日本都應該無細碗只係黎到香港要比人試下先有即... :p

重有熱辣辣岩岩炸起既芝麻雞翼呀!!

沖繩午餐料理+炸芝士包

 尖.. 半肥, 我上次飛黎沖繩想食佢新出既芝士炸包架嘛, 點知無得賣喎, 所以今次都係我再飛過黎食多次啦, 午餐menu又轉左新架啦!!

 除左上次黎食過新出既家庭料理之外重多左洋食意大利粉...

 重有沖繩風湯麵...

 尖.. 唔駛講咁多除左叫set lunch之外更係要加多個我想食既芝士炸包先!!

 有小小失望雖然睇落好似好多cheese不過食落同普通芝士包差唔多, 唯一係個炸包炸得鬆脆口感好食d..., 都係上次小三米話佢個黑芝麻年糕炸包好食d, 因為係甜既...

 黎左幾次都未試過沖繩特產苦瓜係點, 所以叫左個set試下苦瓜炒炸雞, 原來沖繩d苦瓜比我地平時食果d重苦多兩成呀... >.< 好彩只係得幾片即... :p

爬多幾啖炊飯止苦先... :p

 新出既湯麵點都要試試, 估唔到湯底係咖喱湯黎...

我食既係黑芝麻炸雞黎成塊上好多沙津醬.. 呵.. 呵.. 大老鼠無得食... :p

重有包Qoo芒果果凍架

古仔 :[係橫丁零食重買左包我最鍾意既芒果果冰架, 平時係citysuper要成$22包呢度平成半喎正呀!!]