熊仔薯片

 Mickey!! Mickey!! 嘟.. do.. 嘟.. do.. 嘟.. 為食米五,喂!! 今日happy firday點會無我份架, 等我拎包熊仔薯片出黎share下啦...

尖.. 阿肥, 明明係我買返黎share既... 

米五 :[一樣即總之有得食就啦!!]

尖... 唔一樣, 因為你無付出所以應該無得食先岩... :p

米五 :[食左先講, 古有熊仔糖, 宜家有熊仔薯片, 睇下一片片既熊仔呀, 重有分舉高雙手咪郁同垂低雙手都係咪郁, 唔駛多講我都係要o習左你... ]

尖.. 阿肥, 味道一般可以好d... :p

豆腐湯與麵豉湯

 尖.. 阿瘦, 食完日式鍋不如食埋韓式鍋啦... :p 好耐無黎Mikiki變化唔大食店都係唔多駛等位, 所以可以hea好耐都得既, 韓食家好多間有d既個名唔同就好似呢間係豆腐+麵店, 其實分別可能都係餐牌有dd野唔同, 至於d泡菜都係同一樣無乜特別... :p

 尖.. 呢度可以自選湯底同配料, 所以搞左個牛肉麵豉湯年糕+餃子, 豉麵湯就咸左d...

再黎係海鮮豆腐湯+午餐肉, 同樣可以自選湯底架離不開3款豬骨湯、泡茶辣湯、麵豉湯, 其實可唔可以溝晒3樣... XD 

韓食家就計起上黎都係新開Kim's spoon好食dd, 呢度就過得去可以hea下咁咯...

沖繩鍋燒

 尖.. 阿瘦, 比阿哥洗版洗左好耐, 古仔又唔執輸喎, 搞到我天寒鼠凍更係要搵個鍋暖一暖佢先, 沖繩便當就差唔多試過晒啦, 冬天既沖繩究竟係點既呢?? 唔知呀總之新出有鍋燒雜炊丼

 同埋鍋燒鳥冬啦, 睇落都幾正?!

 甜點都有新推出喎, 將個炸飽壓扁佢做多士, 再加個雪糕...

 尖.. 呢款爐幾正敢喎, 不過火力就唔太大真係只可以慶熱d野食

 首先係漢堡咖喱烏冬, 一鍋有好多野菜滿滿

 尖, 有兩個細硬硬地既烏冬, 再沾左咖喱汁, 因為個鍋比較細所以要分逐個鳥冬淥啦, 呢度既咖喱烏冬不嬲都唔錯既...

 再黎係海鮮壽喜燒湯底既雜炊飯, 主要係有兩件魚啦...

 尖.. 有兩塊硬飯+一碗cheese, 要點食呀?? 又係因為個鍋細唔知點滾熱個硬飯好?!

 同埋個爐d火力有問題收唔到湯既?! 總之滾好個飯收火再撈碗cheese落去, 搞暈佢就變左杰杰地既cheese雜炊飯啦, 雖然都係湯多左d不過總算食落都有一絲絲cheese拉住正呀!!

平時去荷理活果間食只係得凍麥茶送, 朗豪呢間估唔到有密桃茶喎...

山崎麵包同Qoo一齊迎猴年換揮春

 古仔 :[嘿.. 嘿.. 終於都唔駛見到隻笨鼠洗版啦, 呯!! 宜家山崎麵包同聖安娜都好似輪流出下換Qoo咁喎!!]

 今次輪到山崎麵包換Qoo揮春呀!! 其實舊年開始都有得換又係合共兩款, 只要買兩包Qoo就送其中一款!!

 我當然就兩款都換晒佢啦, 心想事成呢款有我個斜視眼look喎, 正呀!!

另一款一團和氣就同動物朋友仔一齊...

Kuma福袋7寶7 ~ 相機袋

 呵.. 呵.. 呵.. 洗版鼠米五 :[kuma福袋最後一寶係當奴行李o急, 等我帶你去吊貓啦!!]

其實係一個DC袋黎, 不過你都可以有乜裝乜既, 收埋隻當奴唔比佢走佬先得, 咁我就準備去做埋吃貨鼠... :p

Kuma福袋7寶5+6 ~ 檸檬系列kuma

 捉kuma米五 :[繼續洗版呀... :p 有西檸雞重有檸檬熊... :p 個福袋真係正成個檸檬系列無人買掟晒落個袋益我!!]

 3個都係農夫黎? 喂!! 粗粗地都整杯檸檬汁過我飲呀...

頂草帽又係唔除得借比我戴..., 可惜!!

Kuma福袋7寶4 ~ 古公館第一碟西檸雞

 Mickey!! Mickey!! 嘟.. do.. 嘟.. do.. 嘟.. 米走雞米五..., 喂!! 難道古仔真係變左一隻雞?? XD

估唔到古公館會有雞隻既出現(Woodstock雞除外), 無法啦福袋抽到有你, 你話我地點算好呢??

檸檬系列即係西檸雞黎啦(炸熟既話... XD), 雖然我真係好想食炸吱... :p

頂草帽唔除得我你就繼續做農場雞啦, 唔係係農夫雞先岩... :p

Kuma福袋7寶3 ~ 雞仔萬用袋

 米五 :[無錯都係我洗版鼠米五... :p , 呢次我準備定個老佬袋比班kuma用... ]

 喂!! 尖five, 你又黎呃post做示範呀?

尖.. 劇情需要即... :p 個袋有晒軟墊好舒服架, 用佢走佬出街保護性強!!

 敢你繼續係裡面唔好出黎啦... :p 其實個袋要質隻走佬kuma肯定有困難, 擺阿尖落去就唔錯...

之不過個袋咁多雞毛清潔好麻煩... :p

尖... 呃完post就放我出黎呀!!

Kuma福袋7寶2 ~ 保護袋

 尖.. 尖five, 我洗唔到版呀因為有笨五哥咯... >.< :p

米五 :[你宜家咪一樣有得玩..., 呢件野岩你呀快d示範下啦...]

尖.. 尖five, 我有得出黎都係因為負責歡樂尖鼠即...

 尖.. 但其實好似細左小小塞唔入咯... :p

米五 :[你更係出去食好野食肥架啦... ]

尖.. 你睇下佢話用黎裝i窿同相機喎, 但睇黎要撐闊佢至得咯... :p

米五 :[一睇個口咁闊都有4.5"啦, 你明明係塞度入去既...]

尖.. 我要試第二樣...

Kuma福袋7寶1 ~ 我隻當奴2

 米五 :[天時鼠凍要搵個朋友黎個big hung先, 我又多隻當奴2啦...

 雖然叫當奴但其實佢係隻企鵝黎... :p

佢重可以幫我抹mon架...

食返個聰嫂甜品補數

尖.. 阿肥, 上餐咁差所以拿拿臨食完就走, 再去食呢餐先係我正餐呀!! 甜點!! 甜點!!

水蜜桃仙子 ~ 有蜜桃啦、有椰汁西米撈啦、重有芒果沙冰添!! 乜都齊呀!!

食完凍冰冰再食熱辣辣又好味既杏仁白果先, 杏仁露正重有好多雪耳添呀!!

早知過黎食呢餐食大佢算啦...

阿肥中伏記

尖.. 阿肥, 今次因為要看屋關係得返一餐dinner食, 但估唔到會搞到我中伏都有, 赤丸製麵所就執晒架啦, 以前d烏冬都算ok; 新都城裝修後重開左呢間赤丸烏冬丼物都無食過架, 如果唔係出面個餐牌好似都幾吸引咪入去試下咯.. 點知...

3隻鼠都比佢呃晒啦, 一隻就呃左豌連d醬汁都無味既鰻魚飯, 咁點解佢d汁又有色既呢? 一隻就比佢d魚生呃左點知原來要平日先有, 唔怪得要平日先有啦係睇下碗三文魚飯咁既色都知弊啦, 最弊係兩碗飯d飯都好難食呀!! 個廚師連煲飯都唔識又硬又難哽喎...

以前赤丸d炸物小食都ok架再加個烏冬都錯, 嘩!! 宜家呢d擺明係食材有問題啦, 炸左咬落去完全兩回事呀, 呢個忌廉薯餅無薯唔只好似塞左個咸忌廉湯落去, 炸漿薄得好假都唔脆既...

呢次真係大整估, 成餐係度不斷彈...

Rilakkuma喵咪被

 Mickey!! Mickey!! 嘟.. do.. 嘟.. do.. 嘟.. hum緊既米五...

其實要洗版果個唔係尖five會係我, 因為呢度係鼠喵公館至岩... :p

 呢張kuma喵咪被實在太正啦!!

 又大張喎, 呢幾日天寒鼠凍就岩晒我同班喵一齊sleep... Zz... Zz..

 喂!! 見唔到見到古仔都卷埋一齊訓呀... :p

 老鼠和貓其實係可以一齊食玩訓架...

hum... 係敢先... Zz.. Zz

鬆弛熊館福袋

 尖.. 尖five, 唔只食架我帶左個福袋送比熊貓你架!! $60有咁大喎!!

嘩!! 打開先大驚喜呀!! Total有7樣野如果計佢原本標既yen價有成9千yen架..., 等我得閒就逐樣介紹下啦!! :p