Wooderful life木製Woodstock

 Mickey!! Mickey!! 嘟.. do.. 嘟.. do.. 嘟... 搵野玩米五 :p

年三十晚啦一過年就無乜好野玩同食架啦, 斷估唔有日本芝士年糕先, 就黎雞年應該要玩下雞先, 搵古仔當係kuma雞黎玩好唔好呢? 都係搵Woodstock扮住雞先啦... :p

 台灣Wooderful life既木製音樂盒越出越多DIY裝飾呀, Peanuts系列原來經已去到有好多款Snoopy同Woodstock啦, 如果要掃晒堆Woodstock都唔小錢架喎 @.@

 不過d造型又真係唔錯, 但重未諗到買唔買個座/盒/架鑲佢地上去添, 唯有擺住先啦... :p

數過淨係雀都十幾隻呢... 嘩!! 都唔記得左佢米奇都有出架!!

可惡!! 熱浪jagabee賣晒

 米五 :[Calbee Plus 1週年!! 真係好可惡!! ]

推出限定熱浪o習qoo bee都有, 重要衰到每日限賣300盒每人只準買4盒添...

買兩盒加$88重可以換熱浪薯片cushion添...

連開3日都一早售罄比人鬧到飛起!! 唔通真係要一早10am開門前排隊至買得到... -_-

唯有繼續食我包Grand芝士限定頂住檔先, 薯條真係大條左d架... :p

千兩青森限定

 尖.. 阿瘦, 尖咀真係好多間千兩原來連harbourcity都有喎, 咁就試下新呢間啦重有靚靚2人卡位坐添!! 不過原來呢間既主餐目係壽司, 敢下次要記住啦佢分左一般就好似呢間分店用主餐目, 其二有別注版餐目 - 只限cwb百德新街、太古、又一城3間分店至有, 其三係海鮮居酒屋餐目 - 只限IFC、九龍酒店、美麗華、新世紀4間分店至有, 其四重有圓方旗艦店特別獨有餐目, 不過唔緊要啦都重有大把野簡既, 先黎個推介青森限定有平目魚、鯖魚、大怪物...

 大怪物就更係唔只得一號既重有二號, 呢度好多款都係用山葵黎配喎...

 尖.. 好耐無食過蒸蛋, 轉左碗裝好似大碗左重有料都多左既... 正!!

尖.. 蝦魔終於出動啦!!

蝦.. 全部都蝦有關...  

 諗都無諗過大鼠會第一次食軟殼蟹手卷架, 當然要走醬啦... :P

 可能呢間既餐目無佢最鍾意既銀鱈魚西京燒有關... :P

um... 今次既中拖羅唔多靚...

 所以黎多個油甘魚先... :p

 無銀鱈魚所以整多個三文魚沙律啦!!

 蝦魔更係要食埋最終極既赤海蝦... :p

好彩都重有芝士年糕過我做點甜!!

隨意饌

 尖.. 阿瘦, o依乜咁岩上個禮拜阿肥哥都係食餃子+麵, 不過佢食中式我就食日式... :p

 睇落ok呢個係黑武士, 即係黑芝麻醬熱撈烏冬, 每個set都有6隻餃子, 因為撈冬所以無湯佢重加左碗麵豉湯添, 所以食材都似係係Aeon超市入面買到既當然都ok啦, 係杯自己落綠茶粉既茶d熱水唔夠熱再加上大鼠落重料咪飲落好怪咯... :p

再黎係蒜白叉燒拉麵, 食落口好有以前係吉之島food court既味道呀!! 尖... 其實宜家食緊咪又係Aeon既小food court黎... :p 係塊紫菜細好快浸淋左咯... :p

2016版心心眼Qoo橙汁到港

 古仔 :[嘿.. 嘿.. 唔該阿瘦帶左枝16版新出既Qoo橙汁返黎呀!! 睇下, 雖然搵唔到心心眼眼Qoo蜜桃果凍, 但估唔到今次都搵到心心眼眼Qoo橙汁 呀!! 見到佢就一定認得出係16年新版黎架啦!!

 去citysuper就有得賣!! 除左橙汁重有蘋果汁

 重有樽蓋顏色都唔同左

 我果樽就搵到丁丁眼正呀!!

 除左心心眼重有乜眼呢?! 嘿.. 我既斜視眼就不嬲都醒架啦!!

 嘩!! 星星眼都好似係第一次見...

數埋一字眼、圓圓眼、心心眼、斜視眼、星星眼再配搭反轉係飲完Qoo時既咪眼樣全部都好可愛呀!! 我地快d一齊飲Qoo啦!! Qoo ~~~

BAKE Cheese Tart

 Mickey!! Mickey!! 嘟.. do.. 嘟.. do.. 嘟.. 為食米五黎啦!!

好野!! 終於食到BAKE芝士撻啦!! 因為佢係APM開左以後唔駛過海去SOGO排隊咯... :P

雖然雪左一晚先食不過D芝士味都重係度, 如果熱辣辣食唔知會點呢?! 

招財進寶kuma喵

 米五 :[長毛小熊搵唔到白熊但搵到三色貓返黎!!]

 新年就黎連老麥都有kuma捉呀!! 喂!! 個個都比過個賀年名佢咁雞架?! :p

 買野食+$30有隻, 喂!! 講明買野食點解淨係得隻貓但無burger返黎架??

 喂!! 你入屋都唔帶個burger比我點得架, 話時話你個肚腩差個百寶袋都幾似多啦架喎?!

 重好肥美添, 你更係係老麥食左好多burger先返黎啦!!

 um... 唔知重會唔會換多款呢? 再換既話走左我個burger你就死!!

重有個禮拜至新年呀, 係咪要去換呀? 我要burger!!

無可能食唔晒d餃子

 尖.. 阿肥, 通常去完葵芳都會順道落荃灣既, 夜晚又可以試多樣新野, 我睇大鼠"目及"左好耐既之前都路過但無食到既呢間餃子縣咯... :p

order完後比個阿姐寸叫咁多野食得晒咩, 宜家幫襯你呀叫多d益你啦, 重有以我大食肥之名又會食唔晒, 呢度數埋都只不過係得18隻餃子之嘛, 閒閒地最小食廿幾三十隻啦... :p

敢呢度18隻我應該食齊晒店既餃款了, 基本上都無乜特別, 所以都唔會記住食過乜餃架啦

 唔夠飽就更係加麵麵啦, 整個菠菜冷麵先其實係青瓜麵就真... :p

加多碗上海粗麵都係無乜特別總之我實食晒得晒!!

小小地試下3隻醉雞翼又食埋, 總之都係無乜特別, 幫襯咁多食野食晒一次唔會黎... :p

阿肥葵涌廣場掃食三, 炸...

尖.. 阿肥, 回味完個怪物拌麵後都係唔夠既, 是但都搵多樣野食先得... :p

上次半肥黎過呢處食大炸怪物, 既然頭先都食左唔小怪物, 所以就試下其他啦, 結果要芝士汁炸薯條+西多士, o習埋重唔飽飽咩, 下次要四過其他至得... :p

阿肥葵涌廣場掃食二, 魷魚拌麵正呀!

尖.. 阿肥, 個海鮮杯比我彈到敢所以我今日點都要呃多個post至得, 其實佢隔離個窩夫似乎吸引好多, 不過有可能會被ban招牌棉花糖or士多啤梨等..., 其實再唔係一野紫薯窩夫ko左就食唔到其他野? :p

多口阿肥講完唯有上3樓再食過, 台式應該唔駛驚被ban啦, 重有怪物添喎!! 都餓啦黎個沙茶醬怪物拌麵啦!! 嘩!! 咁多怪物黎釣老鼠都應該無衰啦!! d拌麵都夠味再加埋都醃大根如果一次過撈埋就正啦!! 雖然人多但都好快就比我雪晒落肚!!

其實呢度重有好多台式小食架, 不過要走圍搵咯..., 好似重有檔叫慧食貓既手抓餅添, 不過d餅會加沙律醬&茄汁都係應該食唔到... :p 

阿肥葵涌廣場掃食一, 做乜唔係牛扒杯既?

尖.. 又到我大食肥出動!! 突然收到個肚仔既order叫我去葵涌廣場掃食喎, um..., 不過d掃食都好似有條件敢既? 首先又係遲黎既牛扒杯?  o依乜唔係有牛扒既咩?? 原來簡左海鮮杯喎... :p

主要都係有怪物&炸怪物再加格薯同薯條係底咁啦樣樣有d重有火龍果添, 不過要走沙律醬或茄汁就更係爭d野敢... :p 都係無乜特別啦係叫做個杯有得食有得飲呢樣最方便!! 不過記住叫汽水抵d喎唔好叫檸檬水... :p

 

山崎麵包換Qooの揮春

 古仔 :[可惡!! 要我等多個禮拜先通知大家... 因為要等d春揮到手咯... :p]

山崎麵包換兩款Qoo揮春呀!! 呢次買4盒Qoo就換齊好方便!!

 重要好靚添!! 家肥屋潤古公館又真係有隻阿肥... :p

龍Qoo精神... :p 其實係馬!! 大家快d去換啦!!