有日本手信Tokyo Skytree Snoopy快勞

 古仔 :[嘿.. 食魚蛋唔預我, 等我都出下黎至得!!

姑姐係日本送比我既手信, Tokyo Skytree買既Snoopy快勞...

um... 同個咖喱四寶一樣都係無乜特別, 叫做都有Woodstock... :p

自選咖喱三寶

尖.. 阿瘦, 黎到葵涌廣場真係會特別肚餓, 果頭飲完湯轉頭我經已再食過啦, 有自選咖喱三寶喎, 釣唔到古仔都釣到我啦, 原本只係簡左肚皮、怪物、牛柏葉既佢識做生意咪加多兩粒魚蛋咁咯, 都係試下即咁就變左四寶啦, 小小辣開心食下小食普普通通敢啦... :P

天寒鼠凍要飲熱湯

 尖.. 阿瘦, 無乜好似凍到長左既... :P

唔.. 有新出幾款拉麵喎, 9-10度天氣岩晒我啦!! 熱辣辣飲個湯先...

 海鮮嫩豆腐湯就岩晒啦, 小小辣無問題...

年糕拉麵個湯都好野味下..., 食完成身暖晒!!

砌好隻米奇啦

 Mickey!! Mickey!! 嘟.. do.. 嘟.. do.. 嘟.. 今日天氣寒冷, 無野做更係執返笨B既手尾佢啦!!

 咪砌好左隻米奇佢咯, 都無小到件砌完重發覺多左好多要搵掟埋添!!

所以加左朶花同張櫈比佢啦, 佢條尾就甩敢所以都幫佢頂住添... XD

小熊咩

小熊 :[陪我玩!! 我做左青b羊, 咩~~ ]

米五 :[呵.. 呵.. 今次唔改我扮... :p 第5彈扮兔, 輪到第6彈就扮羊... ] 

拉打食堂

 尖.. 阿肥, 大門食堂同卡MAN拉打做crossover喎, 佢唔係日本最新只係香港最新既鎧武咋... :p

 用生果黎做主題既拉打咪可以食住生果上咯... :p

 唔係咁吸引結果我同都係同企鵝一齊唔食拉打食拉麵... :p

 黃埔呢間大門睇黎係旗艦店最大分別係食水深整個沙律+野飲吧, 不過沙律碗唔係好大裝得係咁多咋... :p

 辣炒怪定食既份量好似比上次TKO果間食豚肉定食小左D咁咯...

我真係見到賣橙既拉打鎧武現身食堂架!!

我明明係想要隻馬做乜變左精靈

 尖.. 阿肥, 可惡!! 我明明見到大鼠佢地拎隻我鍾意既馬仔架嘛, 做乜宜家我係會騎住隻伊貝架??

 雖然佢都幾好騎, 重有安全帶包保唔會跌...

之不過佢係隻精靈黎咋, 唔係我隻馬呀!!

三多炸肶

 尖.. 大食肥出動!! 更係要大大件先掂!!

三多炸肶經已變左連鎖店, 由大埔發發圍然後主軍元朗、荃灣、旺角、紅磡、SSP同牛頭角都有...

尖.. 我都係第一次食炸肶咋... :P 好大隻即炸更係脆口又滑呢...

尖.. 唔好唔記得個炒意粉, 用料多菜汁唔係求其撈落去既加色茄汁, 而係有蕃茄肉架食落又爽口喎...

 爆珠檸茶都唔錯...

一隻炸肶唔夠既, 要食埋隻油肶先..

重大隻過炸肶甜豉汁都入晒味, 再個大盒飯塞到飽!! :p

砌唔掂米奇

 Mickey!! Mickey!! 嘟.. do.. 嘟.. do.. 嘟.. 無得食咪玩既米五

喂!! 好耐無見過B.B.你啦, 我一齊黎砌呢盒擺左都擺左幾耐既米奇啦...

B.B. :[我終於有任務做啦...]

米五 :[都唔小件喎, 重要咁細件添... :P]

 米五: [Classic黑白米奇, 應該唔難砌掛]

 B.B :[報告!! 砌到個頭3份2發現好似小左件耳仔件喎??]

米五 :[係咪你砌錯左呀??]

B.B. [唔係好清楚因為時間既關係無數清件就砌?]

米五 :[你搵下係咪漏左??]

B.B. :[報告!! 盒入面無件啦...]

米五 :[今次真係搵自己笨點會同隻傻B合作架..., 睇黎都要我拆晒佢再重新數過件至得啦... V_V ]

U-Magazine x Rilikkuma bowl set

 米五 :[呵.. 呵.. 果日重以為買唔到你隻走佬kuma bowl set, 點知又真係好好彩翻兜再行多轉又有喎!!]

 熊貓你都想要呢, 呢隻bowl好貴架行到腳軟先有架... :p

 不過又真係幾正既...

 一上一下兩隻碗, 上果隻可以cup住下係膠碗黎, 而下面熊啡就係瓷碗

貓熊咪話我唔益你一人一隻碗一齊開餐最happy啦!! 呵.. 呵...

小情人尖鼠既天婦羅餅丼

尖.. 尖five, 尋日我做左小情人出去食dinner呀!! 就去小鼠飯堂開餐啦, 佢又有新出名物丼啦!!

叫帶廣天婦羅餅丼, 嘩!! 個厚天婦羅入面有松葉蟹、怪物、蝦、三文魚、露筍、淮山、牛蒡、本菇、茄子、栗米, 再加埋醬汁同飯, 其實食完真係食左兩個大飯咁飽飽呀!!

 所以另外叫果個輕型d既金菇牛肉卷定食得啦... :p 今次前菜未見過改左無味既菠菜+怪物喎...

情人節呃like送左兩杯3.6牛乳特飲, 其實係綠茶紅豆冰... 不過好鬼甜... :P

韓樂全部都係cheese

 尖.. 小三米, 厚德商場新裝等於無裝之不過都叫有新野食試下都好呀, 擬似韓菜黎喎, 不過點解會係tea menu黎既? 就係因為肚餓早左坐底咯, 不過睇落都吸引呀有得order咪叫左試下先... :p

 韓樂個名好熟口面一睇其實即係同意樂、意八同一間野黎佢依然有招牌咖喱腩飯同意粉果d, 只係主打韓菜有炸雞咁啦...

 嘩!! 呢d度韓菜全部都係cheese黎架!! 雖然只係一個午餐肉炒飯不過最正係用cheese撈!!

 尖... 再黎都係魔鬼cheese一口炸雞, 佢的確形容得好貼切cheese真係好魔鬼, 淨係呢兩鑊cheese雖然tea set睇落應該細鑊左但夠好飽!!

 因為tea set重有野飲嘛, 放心呢杯唔係cheese汁... :p

見tea set諗住細碟d咪叫多個咯烤雞野菌焗飯, 雖然白汁為主但都一樣落左小小cheese去焗架, 小三米既三cheeese dinner食到滯呀... :p

餓鼠新食湄南

 尖.. 小三米, 我真係餓左好耐架因為上次要同笨五哥share個burger咯... :p

POPCORN對面有新開既POPWALK有好多野食, 上次試左日本菜今次太肚餓啦唔理咁多是但搵間即坐即食架啦, 又估唔到越南lunch都咁快喎, 雖然個咖喱豬柳飯無乜賣相, 但咖喱同豬柳都唔錯呀...

再黎多碗蝦餅金邊粉, 放湯既蝦餅小有雖然有d似魚片敢食法但都一樣唔錯, 其實食完我都重係好肚餓...

有盒應該有食野架嘛

Mickey!! Mickey!! 嘟.. do.. 嘟.. do 嘟.. 肚餓米五出動!!

好肚餓呀!! 邊個衰仔買左個食物盒返黎又唔裝埋野食比我呀!!!

就好似米奇咁講咯, 乜都無借都借d返黎呀!! :p

喂!! 古仔借樽Qoo黎飲住先啦!!

 原來打開係一式三件..., 敢即係可以裝3樣野食比我先岩啦!!

 米妮你咪笨啦恰埋眼唔會無啦啦有cheese架...

尖.. 半肥, 魚蛋同壽司我食晒好飽啦, 你自己出去買啦... :p

喂!! 你宜家洗唔駛咁寸...

我唔要雞樽呀

 米五 :[7仔LINE FRIENDS X SANRIO系列係敢出, 其實如果無貓同雞既話, 我真係唔介意換, 當然要佢有好多貨唔駛下下一出轉頭就話換晒但其實係收埋晒比自己... :P

 等到夠印花又要等到佢有得換真係頸都長埋... :p

重有我更係淨係想要熊大就得啦...

 最衰一抽重要出夠10款你抽, 10分1機會都無乜可能會中...

重要衰到熊大係要夾隻貓喎, 你話嘟嘟貓就話即, 可惜就係我偏唔會捉既哈撈貓呢... :P

 um.. 結果中個雞樽咯... -_-

無乜野既唔睇雞咪睇Melody都ok既... :p

今日又換唔到熊大bowl咯... >.<