泰國小手信

 Mickey!! Mickey!! 嘟.. do.. 嘟.. do.. 嘟.. 餓鼠出沒呀!! 肚仔餓係唔得架呢排無點入鼠糧喎? 叫做有d泰國小手信頂住肚先啦, 唔多識睇泰文真係唔知呢幾包小老板紫菜係乜野味黎? google一下好彩唔係辣既即, 綠色係原味無問題啦, 藍色係海鮮味喎但食落唔覺既分別不大?! :p

重有兩包冬蔭公味百力滋好彩都唔係辣...

喂!! 我重係好肚餓呀!!

P.B. :[RIP MR Bond]

古仔: [原來大bear個作者Michael Bond前日逝世享年91歲 ;( P.B.個故事係因為佢係聖誕節同老婆見到百貨公司入面淨返一隻Bear見佢無人買好可憐, 所以買左佢返去然後就開始寫呢隻bear既故事...]

日本換Qoo水桶究竟出左幾多款?

 古仔 :[嘿.. 又輪到我Qoo仔去日本尋Qoo記!! 今次等我搵下Qoo仔夏天除左出沙灘拖外重會出d乜野呢? 咪就係水桶咯!!

佢真係每年都有出架, 首先係2014年呢3款, 同樣都係買6包Qoo果凍就有係咪好抵呢!!]

 水桶SIZE都夠小朋友玩架!!

 最重要係每個水桶底睇下!! 同Qoo樽蓋一樣都有唔同Qoo表情架, 呢款唔駛多講咪同我一樣眼神咯!!

 2015年3款係敢既...

 基本上外型都無乜分別, 係Qoo仔圖案唔同

 桶底又係一樣有Qoo仔表情

 2015年3款無論顏色同Qoo & friends都好似下...

 所以2016年推出3款終於都有唔同啦!!

 首先一睇就更係顏色多左啦, 唔再係藍色, 不過手挽就相反全部藍色... :p

 唔該比一桶Qoo果凍我呀!!

 主題大熱都更有Qoo & Friends架!!

睇黎每次3款桶底既表情都係一樣, 斜視眼啦、圓轆轆眼啦, 重有一款會係乜野表情黎呢??

飯飯日

 尖.. 阿肥, 今次真係係攻食飯呀飯呀!! lunch食左牛角幾飽下所以好夜先食, 敢咪唯有食返多d飯補返咯... :p

上次食大快活好似係黃埔啦, 今次就簡d食左兩個大飯, 點解個炸豬會有條古仔魚蛋既?

個紅米飯唔係幾得有半太淋可能太夜食已係濕左水既飯底黎?! :p 西蘭花汁配魚柳都幾新奇健康餐更係食落有d怪... :p

係時候去call牛角飯

 尖.. 半肥, 大餓話係時間要食牛角飯啦, 敢好彩輪到我去食喎!! lunch set都係叫呢個六盛合架啦乜都有, 之不過原來宜家經已唔包牛角雪糕啦, 要另加$12先架, 前菜就變左做沙律... :p

 另一個餐可以叫其他既, 不過又係比d豬頸肉釣左先, 宜家多左牛肚就更加, 不過宜家無左味噌豬頸肉呢, 好彩牛肚係醃左味噌敢就岩啦!! 撈埋佢先

 尖.. 記住牛角飯係要叫溫泉玉子果隻喎, 唔係佢唔際架!!! 添飯就更係預左啦, 係呢個時候佢先會食咁多飯... :p

尖.. 話時話每次都係黎新都會食架喎... :p

今次又到我表現慶阿尖+燒珍寶腸啦, 好熱呀!! XOX

古仔至愛 ~ 好可愛既藍色兔仔鼠、熊、狗

 Mickey!! Mickey!! 嘟.. do.. 嘟.. do.. 嘟.. 可愛既藍色毛毛兔仔鼠米五!!

見到係咪人見人愛呢?!

米五 :[古仔, 你睇下呢次你應該會鍾意我!!]

古仔 :[你呀... ]

 古仔 :[有比較一睇都知係小熊哥愛d啦!!]

 小熊 :[今次真係藍魚傳說, 要著埋粉紅色魚尾先!!]

 古仔 :[嘩!! 好大隻藍色兔仔狗, 邊個亂放佢入黎架??]

 古仔 :[不過同兔頭D毛毛好Match喎!!]

古仔 :[佢地兩個正d!!]

米五 :[超!! 你針對我!!]

軟淋淋既XX比比狗呀!!

 米六: [嘩!! 睇下我有好大隻既pulto呀!! 重要無肚腩添!!]

 尖.. 阿瘦, 其實佢真係大過古仔好多唔入得屋架... :P

米六: [咁可愛又軟淋淋既狗古仔無理由唔比入既...]

尖.. 阿瘦, 雖然我負責屈蛇但我乜都唔知架, 係佢自己XX眼走錯左入黎... :P

米六: [我都係咁岩係度見到佢唔XX眼唔識路帶住佢架咋... :P]

 尖.. 阿瘦, 其實都唔關我事架係特大鼠係Uniqlo一早排隊帶佢返黎既, 之前首賣賣唔到變左炒狗價, 呢次第二次開賣多左好多狗唔駛炒個個都帶得佢返屋企啦, 特大鼠佢重想帶大M size返入屋添, 不過呢度連小熊都係S size既就更係唔比批文啦... :p

 米六 :[唔怪得佢咁軟淋淋啦crossover唔只係UNIQLO x KAWS x Peanuts, 重要x埋Sekiguchi添呀!!]

 米六 :[其實佢XX眼睇唔睇到野既呢?? ]

 尖.. 阿瘦, 佢見到抱到我就得啦!!

 米六 :[咁大隻狗變左捉鼠添... ]

 米六 :[我大個仔唔拍, 好快就可以train到佢!!]

米六 :[睇下話咁快我就騎佢玩啦!!]

癲鼠好多造型

米高 :[等我欣賞下我阿爺既癲鼠風姿先..., B社既Figure都唔錯呀, 因為全部都係夾夾機出品算幾平, 係差size可能大過古唔入得屋咯, 唯有睇住poster先...]

呢兩款就細隻d既但唔都係唔鍾意米妮阿姨... :p

十勝牛港式日本料理

 尖.. 阿瘦, 落大雨唔知去邊好, 鼠下鼠下去左大本型呢度好多野食都食過, 係淨返間十勝牛和食料理未試過, 都算多人等主要都係平多款簡下食敢咯, 都有分店重有下午茶食添...

前菜就試下怪物先, 一般啦最好係個底有好多青瓜絲當埋沙律...

 簡單D點壽司啦, 都係叫D最大路既怪物安全D, 平民價黎講同爭鮮比重係爭左D... :p

 最特別係呢隻甘蝦估唔到佢成隻上!!

 熱食叫左鰻魚烏冬, 個烏冬就真係幾蚊個果d打邊爐即食烏冬黎... :p

雜錦天婦羅諗唔到咁大堆頭, 不過炸粉同炸得黎就一般啦, 真係叫做每件都大大件食飽你... :p

再黎試多個芝士豆腐, 撈埋蟹子同d白汁黎食都算ok, 不過都係唔特出...

屋村街坊價黎講預左咁上下, 不過上次尖five鼠入屯門果間八戶屋同樣街坊價但無論賣相同野食都好味好多... :p

新加坡海南雞飯

 尖.. 阿瘦, 好野我都有新野食試, 荷理玉又多左一間東亞南新店, 之前兩間都係越南呢間就星洲, set lunch都有好多款簡...

 佢menu介紹間店個名點黎, 其實最緊要都係咪掂即... :p

 所以又係試海南吱飯啦... XD

除左個公雞碗碟有D賣相外, 整體都係一般叫做個飯似返個黃油飯先, 至於D醬汁真係無乜特別係差個大食代果間D呢, 隻雞就肥左小小不過都好肉地最緊要見每枱上都好似係同一忽雞無大鼠唔要既雞胸, 不過特大鼠就淨係鍾意食雞胸... :P

 set lunch送free凍飲係羅漢果汁(XD)係水先岩(:P), 重有薏米檸水...

再試下個等左好耐至上既南乳吱翼椰漿飯先, 飯就真係有D椰味, 吱翼都唔錯, 配左D小魚乾雖然咸左D但又幾好食既, 可以撈飯減咸既...

總之平均地普普通通唔算特別好食... :P