鼠遊關西72 - 搭大阪單軌電車遊萬博紀念公園

 尖.. 尖five, 10:30am我地終於出發啦, 我地又要先去扇町站轉車呀!!

 小三米, 其實搭黎搭去2-3條線都係同去京都方向有關(例如之前去左嵐山、宇治敢啦), 只係去唔同既距離唔同, 呢次都係繼續坐阪急京都本線, 但今次唔可以搭最快既特急, 最快只可以搭準急...

 因為我地今日去萬博紀念品公園果面, 嘩!! 見到d學校有網球場喎!!

 其實同去京都都差唔多時間呢, total話要52min...

 沿途d風景比較開揚第一次見到有醫院喎, 見到吹田即係吹田市啦經已黎到好接近啦...

 我地要係南茨木落車轉大阪モノレール線(大阪單軌電車)

 一過黎大堂就見到萬博公園字重有太陽之塔都變左公仔喎...

 呢個單軌電車站都幾遊客區咁喎, 有cafe既地方啦...

 重有美術館添?! @.@

 我地準備搭既就係呢架單軌電車啦, 其實佢主要係接載去大阪伊丹機場既(宜家負責國內航線)

 其實個月台好細下...

 見唔見到d人要排成一條隊上車, 重有架喎只係得4卡

 等左10min有車到啦!! 好多人搭喎好彩2個站就到即

 係南茨木市轉出黎就係高速公路

 今日真係好好天呀!!

 我地見到其中一個目的地啦!! 古仔你見唔到見前同後都係足球場呀!!

 見到大大個摩天輪就係EXPOCIT即係萬博紀念公園站啦!!

 不過我地落左車再轉一轉因為我地要去足球場先!! 果度大阪飛腳clubshop...

 黎到公園東口站, 似乎有d迷路?? @.@

 點解好似離球場重遠左咁既?? @.@

 落去8下先, 呢度有件古蹟...

 原來呢個站係方便出去萬博紀念公園競技場既, 頭先好多學生出站去球場咋...

 敢究竟係邊度去足球場快D呢?? 見到呢條路都係可以去既不過其實好似都係遠路?? @.@

 尖five, 我地唯有搭返去萬博紀念公園站啦!! 係果度行都得既...

 尖five, 呢程就當黎木遊車河睇下萬博紀念公園啦, 呢個公園真係好大呀!! 因為以前用黎辦世博架, 重呢度既標誌太陽之塔!!

 小三米, 朋友!! 我地一齊黎啦!! 朋友!!

 估唔到回程車係可以zoom到最近睇太陽之塔架!!

 尖five, 因為我地唔會行過去睇呢度係最岩睇... :p

 小三米, 終於落返車, 見到遠藤保仁大叔!!

 其實都係係萬博紀念公園站去就岩數, 睇下經已有咁多大阪飛腳既logo係度!!

 古仔你快d出黎啦!! 我地準備上去球場呀!!

 古仔 :[嘿.. 估唔到上到黎車站大堂會有齊全隊大阪飛腳既球員海報係度既!! ]

 古仔 :[最前兩個老將國腳遠藤保仁、東口昭順...]

 古仔 :[重有吉祥物閃電仔都呀!!]

米五 :[乜原來我地今日係黎同古仔去踢波架??]

小三米, J-League球季係岩岩係3/12完左我地遲一個禮拜黎經已無波睇啦, 我地只係去足球場間clubshop黎安慰下古仔架咋... :p]

 呯!! 古仔 :[你兩個就留低係部單軌電車度等我算啦...]

米五 :[呢部車只係比小朋友開唔岩我老鼠... :p]

 小三米, 我係尖導遊我黎帶你去球場架, 你睇唔睇到map左中係車站, 我地要去右下先係球場,頭先去既公園東口站就係右上其實都行到去既不過就兜長路即, 之不過由返呢面去都要行長路架... :p ]

 米五 :[車站門口有怪物燒喎, 係咪諗住d人買黎睇波食呢?? ]

 小三米, 都唔一定既因為如果有波踢球場都有好多野食賣架, 見唔見到擺左個太陽之塔係度呀!! 一路行去公園玩食都得]

 米五 :[隔離間7-11竟然有一番獎抽喎唔爭在入去裝下先... :p]

 米五 :[喂!! 喂!! 浪漫90週年d顏色唔岩我米五喎... :p]

 米五 :[呢對Mouse唔抽啦... :p]

米五 :[其他都係淨返好小唔多吸引, 都係走啦... :p]

古仔 :[笨鼠你亂入... ]

米五 :[關我事架嘛... :p 行啦唔係無得你玩架... :p]