古仔生日 ~ 牛角

 古仔: [尋日係我同阿媽既生日, 似乎我地生日都要黎食番之牛角至得架喎?? 今次就無笨鼠份啦因為佢早就鼠左出去食佢既生日burger餐啦, 所以我就同我隻玩具鼠no.1出去開餐, 黎到牛角第一樣更係要叫番個牛角飯啦, 唔只係咪好耐無食發覺個飯份量好似細左咁喎??]

 嘿.. 呢兩款燒肉經已係每次必叫架啦, 首先係味噌豬頸肉、重有係阿媽怕辣但呢度既辣油竟然唔辣既香蔥辣油牛肋肉...

 麻香椰菜都好抵食又好味架!!

 Hello Mickey!! 我小鼠no.1更係要同古仔一齊慶祝生日啦其實我地每年都差唔多一齊食架!! 重有第三樣必食既鹽味牛油帶子呀!!

 再黎係新出既燒怪物, 雖然得3隻但睇落好似唔錯喎~~

 新出既重有款辣油牛肉溫泉玉子飯, 配飯就似乎比牛角飯大碗d但d牛肉唔係好得咯, 重差過去食吉野家, 無理由架呢度明明係燒肉架嘛竟然d牛肉唔係咁特, 下次都係食多牛角飯/香蔥溫泉玉子飯算, 加上又抵食過呢個 :p

 其實都係諗住佢都係叫白辣油牛肉無衰嘛, 早知就咁撈呢碗辣油落飯度配牛肋肉好過 :p

 我地既燒怪物搞掂啦, 唔錯呀!!

 等我地再encore多碟味噌豬頸肉啦, 牛油帶子都要起筷咯!!

 叫多個芝士雞腿肉試下先...

 呢兜cheese味道未試過咁喎?! 至於d雞腿都滑既...

 不過燒出黎好似咸左d因為好似d香草汁太多?! 至於d cheese可能燒得太耐溶過頭癡唔起黎食... :p

 古仔: [d老鼠無論no.1到no.8再乘唔知幾多隻都好都一樣係咁大食既?! 食飽點都要黎番個甜點啦!! 日式cheese cake配抹茶雪糕!!]

呢件就變左我地既B-day cake啦!! Happy Birthday to All!!