阿肥去左返學食School Food

 尖.. 阿肥, 見到我就知有新野試啦!! 去完睇肥野開學就更係等埋放學去食School Food啦, 沙田新城市廣場開左新開分嘛... :p

 都未入夜一放學就要黎排隊架啦, 真係多人到呢..., 每枱重要限時75min架咋...

 尖.. 估唔到餐牌野食選擇唔係好多, 敢大食肥咪唔可以食大咯?!

 呢次無大大件既炸雞, 不過都有細塊炸雞點知捉左蟲添... :p

 尖.. 刨冰都係招牌黎見到隔離枱大碗都隊刨冰真係好大, 要叫多d兄弟黎要食得咯... :p

 卡邦尼年糕, 喂!! 個汁正呀!! 估唔到咁樣配食年糕都咁好味!!

 尖.. 韓國壽司離不開蛋+火腿卷埋, 所以見到呢個烏卒卒咁特別更係要叫黎試下!!

 呢個組合係泡菜+怪物做壽司卷, 都係推介好食之一呀!!

 尖.. 呢度雖然野食唔多款但可以加錢有各款小食 (包括埋一碗飯... :p), 見唔知野食份量有幾多就加個韓式炸餃子啦...

 4件餃子都有唔同形狀架喎, 味道有粉絲餃、泡菜豬肉餃.., 應該係唔同形狀就唔同味?!

 尖.. 呢次唯一捉蟲叫左呢個個炸雞沙律!! menu有兩款炸雞沙律, A就係呢款B係炸雞伴大蔥, 見大蔥果個標左辣既咪簡呢個咯, 點知上黎係A同B既炸雞都唔同既, 明明見B係炸雞塊, 斷估唔到A會係炸雞絲... @.@

切到咁幼炸到燶就更係又乾又硬又鞋啦... :p 點沙律醬食都頂唔順呀... >.<

我會記住今次兩餐都各有捉蟲咯... :p