鼠遊關西48 - 京都繼續食有伏又有正

 尖.. 小三米, 雖然見好多舖都就關都係繼續係錦市場行陣啦先轉返出大街, 見到重有幾多人既鮮魚木村走去睇下重有乜食先?!

 google一下都話推介下佢好多鮮魚, 之不過... :p

 匙扣小熊, 由鍾意食魚既小熊試下, 佢出名既一串串魚試下耒拖西魚已乾晒無乜魚味啦, 重有條鰻魚好彩都係試左條細既即又係乾晒無乜味, 唯有解釋遊客區咁多人臨收工乜都食晒食淨既都唔荒好野... :p

 小三米, 中伏完就行返出黎大街啦, 都6點幾7點唔知行乜好呢, 入左去大丸借個廁所再諗下先?! :p

 尖, 兩邊都有好多商店不過我地經已行到幾攰下唔知想行乜好?! 都係繼續搵下野食緊要!!

 米五 :[有野食坐下就得啦... :p]

 小三米, 最後search到最近高島屋百貨有間幾百年既蕎麥麵店都可以試下!! 好古怪係百貨公司中間夾住一間寺廟咁既野?? @.@ 而尾張屋就係側邊落地庫先係...

 尖five, 京都佢有3間店架, 呢間係最近我地既, 總店係間古色古名既木屋店黎不過就要行返入內街起碼4個街口先到夜麻麻就去唔到啦, 去到都可能關左, 呢間都係第二間老舖黎落到去都一樣係古式裝修呢...

 米五 :[唔駛講咁多, 試下d野食掂唔掂最實際 :p 我要左個熱湯蝦天婦羅蕎麥麵!! 入夜凍左熱辣辣既湯飲一口幾好, 不過更係覺得食蕎麥麵都係冷麵好食過湯麵既?! 呢度d麵質都唔錯架啦, 反而碗魚仔飯幾正喎, 好多魚仔撈飯呀!!]

小三米, 笨阿哥食熱就我地食冷啦, 野菜天婦羅都唔錯...
尖five, 冷麵又真係好似好食d呢, 可能敢先食咁蕎麥麵既質感, 個冷麵汁咸度都好適中添呀
小三米, 不過古代好似都係食湯麵多d既?! 呢間尾限屋有接近500年歷史架啦, 呢度最特別係唔用濕紙巾而重係用熱毛巾架...
尖five, 我地都唔夠佢老添... :p
米五 :[喂!! 比d冷麵我試下... ]