鼠遊關西60 - 奈良麵闘庵腐皮福袋烏冬好食

 尖.. 小三米, 唔係好神秘即, 話晒第一次黎只不過係要行到先知點去到嘛? :P

我地係東向商店街末出黎三条通, 對面就見到好多人會去食既中谷堂麻糬, 不過我地唔食住...

 因為係佢轉角隔離既餅飯殿中心街呢間麵闘庵先係我地首選!! 由於驚晏D會好多人黎排隊所以11:3XAM黎到就入去食左lunch先去捉鹿, 好過捉完轉頭返過黎唔知重有無得食就唔抵啦... :p

 尖five, 其實都經已有幾枱坐緊啦!! 睇下menu有d推介喎!!

小三米, 我地早入黎著數呀!! 坐低無耐經已陸續有人入黎啦!!

 小三米, 舖頭唔算大所以早入黎唔駛排隊真係好!!

 小三米, 睇下咁多相個個都黎食就知幾有人氣啦!!

 小三米, 老中青都黎食架!!

 為食鹿仔鼠米五 :[為食鼠米五出動!! 叫左必食既腐米福袋烏冬, 呢款再加左好多菇既就1130yen, 唔加就900yen即, 咁更係要食埋佢啦!! ]

 為食鹿仔鼠米五 :[嘩!! 好大個腐皮喎!! 飲下d湯先好味呀!! 好似係d藥饍湯黎架, 不過究竟個烏冬係邊呀?? @.@ ]

 古仔 :[嘿.. 我都唔執輸出黎毛, 只要篤開個腐皮就見到烏冬架啦!!]

 為食鹿仔鼠米五 :[喂!! 古仔你飲Qoo得架啦, 我要食先!! d烏冬配熱湯包住腐皮都唔淋好正呀!! 重有咁多菇添食唔到想再食多碗!!]

 尖five, 我地就試埋佢推介既柚子汁冷烏冬啦!!

小三米, 真係幾重柚子味架, 烏冬又唔錯喎!!

為食鹿仔鼠米五 :[食多碗都得!! ]

小三米, 其實好彩早黎食因為我地行返黎2點零佢經已賣晒準備收工啦...