第五隻熊喵啦!!

  尖.. 半肥, 上次捉左啡熊喵大佬返黎今次我捉埋佢細佬!!

都係夾夾機系列既熊喵黎, 不過今次size再細d!!

 尖.. 好順利兩舖搞掂, yeah!!

 尖.. 細size唔再係長自版變晒短毛...

 尖.. 我有兩隻啡熊喵呀!!

 除左騎重可以用黎做乜呢? 拍埋兩兄弟先...

 做床仔都正呀!! Zz.. Zz..

尖鼠西遊記3~我地巷仔見啦

 尖.. 半肥, 玩左半日黎到西區最篤一站啦...

 話時話其實我地3站都係去行759咋... XD, 不過頭兩站都係站內, 呢次就係出站見到間大D, 不過大老鼠投訴佢去唔到$12店, 但佢又唔早出聲過, 好彩係西寶城果站都有間UNY既$12店補數即... :p

 黎到西區幾個街口就行到海旁, 宜家附近好多西人喎, 我都係隻外國返黎既鼠黎架!!

 雖然今日都好晒好天但實際望出海都係矇查查既, 只有睇下拋頭浪... XD

 尖.. 好勉強都睇到個咸蛋既...

 Dinner食乜好, 但好多鬼佬唔想食西餐, 最後食左唐餐... :p

入左黎一個鬼鼠位叫巷仔見, 好明顯都有連鎖或feel架啦, 不過見都ok幾好坐就入去啦...

原來佢係大家樂出品唔怪得咁熟口熟面啦, 主打懷舊港食, 不過佢分店只得3間兩間係中、西環, 另一間係火炭...

套餐有好多簡, 主食都係麵同飯, 最估唔到又有海南雞飯呀!!

 尖.. 鳳爪撈麵d爪就更係添好運好食d啦, 不過都淋既; 個撈麵就硬左d好難咬... :p

 飲番啖湯先唔係頂住都似

 尖.. 每個餐都可以加滋味小食架, 港式小食就更係要碗仔翅啦, 都足料架喎, 如果淨係黎食碗仔翅+腸粉可能重好?! :p

 大老鼠想食煎釀三寶, 但佢明明唔會食個殼=.=!! 淨係想食魚肉, 咁不如叫魚肉生菜好過啦, 唔駛等我食晒d青椒、茄子都好掛... :p

 最後無叫海南雞飯呀, 叫左話呢度特色有古仔頭抽煲仔飯, 講錯係古法先岩... :p 又見到豆豉鯪魚咁得意咪叫豆豉鯪魚排骨煲仔飯咯, 係d飯硬左d, 早知食海南雞飯啦... XD

尖.. 唯有飲晒杯Tea佢, 比我簡都係食碗仔翅+粉腸可能最好架?! :p

尖鼠西遊記2~放學食Grandy Mary雪糕

 尖.. 半肥, 其實我要返學架!! 重要去最高學府添...

 呢度相信係全港最高既MTR出口...

 尖.. 大學真係好多人出出入入... :p

 去locker拎番d讀先...

 好啦我入去上堂啦,你估我讀既係乜科??

 尖.. 放學啦!! 其實今日係黎旁聽... :p

 我畢業於迪迪尼大學唔係香港大學... :p 但無畢業袍呀!!

 熱到死落搭lift走啦...

 新既MTR站真係好神奇, 山上係大學山腳係商場... :p 走去唯一既有冷氣既地方鼠個圈先...

 我同d貓一樣都係鍾意冷氣地方多d...

 記住呢個出口先...

 以後放學可以落黎食雪糕咯...

 嘩!! 咁多款點簡好呢??

  簡d最基本試下啦..., 有雪糕同乳酪你簡

 等我賣次廣告先但無收錢架佢叫Grandy Mary...

蜂蜜份子雪糕, 雪糕奶味濃但唔算甜適中岩岩好, 最得意更係d蜂蜜爆珠同d雪糕一齊咬, 咇出蜂蜜都唔算甜又係岩岩好, 重咁大杯好食呀!!

尖鼠西遊記~阿元來了

 尖.. 半肥, 我要去西區搵食, 坐MTR逐個站都要鼠下先得, 等埋最遲開放既西營盤站岩晒做我第一站!! 睇下我點樣係MAP度鼠晒成個站啦... :p

 尖.. 你都咪話唔正原來呢度d幾個出口都係要用登山電梯架!! 得10%體力大鼠就岩晒啦, 我地上山啦!!

 話咁快就到最頂般咸道!!

果頭上山然後行過隔離沿正街落山, 因為我地去既地方係唔上唔落... XD 咁更係簡上左去轆返落黎化算啦... :p

先落一街係高街實際係第四街(不過死字唔好聽喎), 高街有間韓國炸雞都好似好吸引...

不過大鼠話台灣野咁佢要睇下先, 咁就再行下落到黎正街!! 

  轉過左手面呢度係第三街我排第三岩啦唔駛要第五街架啦, 直望最篤係高街鬼屋, 不過光天白日去黎做乜?! :p

 尖.. 終於黎到阿元來了!! 個個都走黎試所以好多人排隊, 其實隔離果間韓國cafe都有唔小人架喎...

 好彩早到排得都算快啦(有無20min呢?!) 門口擺左好多野...

 如果有車叫外帶就最方便, 因為間台好細坐位好小

 一邊廚房, 對出經己係密麻麻既位, 不過裝傷到似台灣d大牌檔咁...

 野食唔多, 蚵仔煎要下午茶先有, Lunch時間等唔到啦...

 尖.. 叫左幾樣試下

 小枱想流轉得快唯有叫大家食30min好啦, 我每樣咬一啖既都好快既即...

 魯肉飯到, d滷肉同我一樣都係半肥架... XD

呢個飯應該係呢處最正果樣, 味道唔錯!!

 尖.. 叫芒果綠茶無衰所以都無乜特別

 試下麵麵先, 香菇肉羹麵, 羹呢D野特大老鼠就最鍾意...

再黎既係鹽酥雞, 你睇我個樣就知ok啦, 小王既好食d咯, d雞似大隻雞割晒啖啖肉出黎所以口感有d唔同咁咯...

 好快食飽重去對面買埋手信, 再行落第一街搭去第二個站先...