日本新出2015版Qoo黑加侖子汁

 古仔 :[ham... 又係等到發毛先黎報告!! 日本有新Qoo出呀!! 同港版一樣都係出黑加侖子汁, 不過明明係日版出先, 係唔知邊個咁遲先黎報既呢??

 你睇下呢張poster就知啦上個月萬聖節經已有!! Qoo & Friends一齊hello畏飲Qoo開party架啦...

有兩款Qoo仔造型架都係郊遊野餐咬包飲Qoo... :p 聽講姑姐今晚日本返黎唔知買唔到買呢? 不過我估佢都買唔到多, 淨係知好似會有個kuma波友咋... -_-

喂!! 漏左隻癲噹雪糕杯喎

 Mickey!! Mickey!! 嘟.. do.. 嘟.. do.. 嘟.. 無得食既米五, 幾時先輪到我有得食呀!!

喂!! 上次你地邊個去完夢見屋x癲噹度食雪糕拎埋隻杯返黎又唔講呀??

 真係好可惡淨係有得睇又乜到無黎釣我!!

我都想食呀!!

千兩極品拖羅

 尖.. 半肥, 我第一次黎食千兩架咋, 除左我之外重有小三米應該未黎過?! 算啦我地班尖鼠兄弟排期既野真係好難講, 間唔中重要同笨五哥爭添... :p

今次都係有咁岩得咁橋黎到, 所以都係跟住d兄弟食開乜叫乜啦..., 例如炸蝦卷咁

 尖.. 本月時令推介係極品吞拿魚更係要試下啦, 當然唔到得大大隻既甜蝦!!

 大老鼠黎呢度淨係食銀鱈魚就得架啦... :p

 呢舊怪物好難o趙...

 厚燒玉子啦

 帆立貝啦

 飛魚子啦, 我係咪好乖依住班兄弟食開乜就叫乜黎試呢...

 重有甜蝦蟹膏軍盤呀...

 極品拖羅真係唔錯所以要叫多件!!

 最後係必食既芝士年糕

尖.. 呢餐我經已幫手儲左一半積分啦!!

Space Ship Qoo

 古仔: [喂!! 喂!! Qoo官網9月尾就update左呢個Space Ship Qoo架啦!! -_- 11月尾活動都完先得閒報告..., 咪就係因為古公館鼠患嚴重要引入大量貓喵黎治佢搞到我都好唔得閒... :p]

Qoo & Friends一齊坐上Qoo太空船上太空呀!!

係日本就分左5個時段同地點擺放左呢隻Qoo太空船比大家一齊影相咁啦!! 詳情就係Qoo官網睇啦 http://www.qoo.jp/event/spaceship/

 其實呢個event最精彩應該係製作左一條長達9:47min名為Qoo天文館既動畫片, 內容主要係講Qoo & Friends一齊去觀星, 最後重坐上Qoo太空船上月球將月球加隻角扮做Qoo頭添... XD

另外重有一個360度版本可以click住影片用唔同角度睇添呀!!

唔知呢次活動有無推出到Qoo精品換我既呢? @.@

誠品生活要食抹茶雪糕

 尖.. 半肥, 我做左文化鼠左入尖咀新開誠品, 估唔到入黎到唔只係有書同精品睇重有野食添喎, 黎自台灣既御前上茶原來先係旺角開店, 宜家就走到黎優雅既誠品入面你可以邊食甜點邊睇書喎... 

黎到11月尾都重咁熱就試個抹茶雪糕沙冰先, 呢度D抹茶雪糕正呀!! 味道唔係濃而係感覺清爽, 至於沙冰下面就一般啦, 不過夾埋都係正!!

 等我下次再試過先, 不過分店得旺角 & CWB有, 以旺角首開最大,但我鍾意呢度角落重有海景添... 

同台灣一樣有個特色有繪馬你可以寫低祝福句, 比我見到隻貓都黎食呀!!

係都要返黎食伴飯

 尖.. 半肥, 阿肥哥黎左兩次獨食啦, 所以我係度都要返呢度食返個伴飯至得咯!!

 尖.. 今次前菜有驚喜之前黎食都係得薯仔同蘿蔔, 今次有魚蛋同埋泡菜正呀!!

 特大老鼠食韓餐又黎湯+飯, 呢次係泡菜豬肉鍋, 佢成煲飲晒辣到標汗...

尖.. 我都係飲海帶湯得啦... :p

好耐無夾野到米奇啦

 Mickey!! Mickey!! 嘟.. do.. 嘟.. do.. 嘟.. ham米五, 尋晚唔係我眼訓係身邊隻大老鼠眼訓咋我無ham係代佢ham咋...

我就自己搵野玩咯, 好耐無係夾夾機度夾到米奇啦!! 呢次有得玩啦!!

 尖.. 阿瘦, 唔係笨五哥夾係我夾仍返黎架, 米奇點解係無手無腳既?

米五 :[唔只佢全部朋友仔都無架!! 佢其實係一個沙包所以我地應該夾埋B.B上黎比我練劈劈!!]

踢你入"麥分給"有得食有得玩

尖.. 阿瘦, 黎睇下啦古仔我入左老麥會送左包新出既黑加侖子Qoo比你呀...

古仔 :[多謝阿瘦, 你真係醒目!!]

尖.. 阿瘦, 呢包Qoo成$40真係好貴呀, 之後我買一pack都係$13.9咋...

古仔 :[都話左比夠兩年床位費你咯]

米五 :[喂!! 阿瘦你益古仔都益我... -___- ]

尖.. 阿瘦, 佢既禮物包重有大把野既...

米五 :[我知所以兩張有得食既coupon就我既!! 可以去換個開心樂園餐都好...]

尖.. 阿瘦, 重有包魚油都食得架笨五哥你要埋佢啦... 

米五 :[敢我不如要堆其他coupon佢好過, 果d有得玩架喎, 雖然唔岩我... :p]

 尖.. 阿瘦, 除左食同玩重有隻限定老麥bear架!!

 尖.. 阿瘦, 我簡左漢堡神偷bear返黎幫我偷burger!!

 米五 :[Burger!! i miss you much!! 快d比burger我!!]

食左三碟意粉呀!!

 尖.. 阿瘦, 我地好耐無黎過呢處 http://kooqoohome.blogspot.hk/2013/10/20131010.html#comment-form ,係咪好耐呢? 不過算好野過重係處証明佢都ok啦!!

 尖.. 野食就無乜大變, 首先都係一杯清湯...

 呢次我一鼠食左3碟意粉呀!! 首先係卡邦尼意粉... :p

 再黎係明太子蝦意粉...

 尖.. 重有碟炸雞意粉添, 最初以為3碟夾起都好細, 但敢食法真係飽飽飽!!

 尖鼠最鍾意就食甜點架啦所以唔小得!! 有抹茶雪糕做主打就更加要食啦!!

最搞笑係有一塊愉快動物餅+一條桃哈多喎... XD

都唔足三兩既

 尖.. 阿瘦, 好開心呀有得去食burger, 不過老麥d包真係越黎越呃人啦, 原本都係諗住黎食個粟米批既即, 不過見到有新出足三兩咪試下...

 尖.. 你睇下上圖盒面個夏威夷足三兩我打開盒見到既一睇你就知差幾遠啦, 所以都話黎老麥都係簡食d越cheap既越好啦, 因為預左佢cheap就唔駛有期望... 

 所以粟米批夠cheap就無事啦...

重有其實我都比古仔佢呃左入黎, 見到有新Qoo推出咪諗住幫下買咯...

港版新出Qoo黑加侖子汁

 古仔 :[Yeah!! 有新港版Qoo上市呀!! 就係黑加侖子汁啦!!]

 超市經已有得賣齊5款Qoo紙包果汁啦!!

嘿.. Qoo仔呢次扮警長!! 唔知遲下會唔會有promto換Qoo精品呢?

尖.. 阿瘦: [你呢包Qoo就係係麥當奴做會員換返黎架啦, 重要好貴$40至送!! 下面一排6包係後尾係超市搵到有得賣只係$13.9咋... :p]

古仔 :[ >.< 唔該阿瘦!! 我就比兩個一年無敵無海景既床位你... ]

Honey Milk薯片

Mickey!! Mickey!! 嘟.. do.. 嘟.. do.. 嘟.. 為食米五又出動, 上個禮拜既鼠糧係芝士波, 前個禮拜就食過日版蜂蜜牛油薯片後, 今次再回歸返韓版薯片都係honey不過佢係honey milk, 因為係AEON超市韓國食品節買見佢咁大包都係$16.5咋更係要試下啦, 食落好似食緊塊浸左練奶既薯片咁咯...