九州Ufufu Cafe

 尖.. 小三米, 新都會廣場裝修9成開業除左有無印之外佢隔離重開左間黎自九州既L.D.K by Ufufu Cafe, 原來沙田同尖沙咀都有店都係同月開左無耐架咋, 睇下個menu先好吸引樣樣都想食喎, dinner就先試下d推介啦...

 除左漢堡扒重有蛋包飯樣樣都想試下, 重可以加錢叫set添

 重有好多點甜添呀!!

 聽講d巴菲好出名, 真係會釣晒d老鼠黎... :p

 先試下鹿兒島和牛漢堡先, 配既係照燒汁, 好大舊漢堡和牛係唔同d正其實淨食佢都夠飽架...

 不過點都要試下加set先黎沙律...

 再加多個白芝士炸雞咖喱烏冬先, 表面係白汁內裡係咖喱汁黎, 炸雞都大件幾滑!!

 set叫埋個白飯黎配漢堡

酥皮粟米湯最遲黎就無乜特別, 但加埋晒都算唔錯, 可以再試下其他!!

和食快餐鰻魚汁任撈飯

 尖.. 呢次先係我小三米呀!! 上個禮拜認錯我做尖Five都有, 其實我同阿瘦一樣禁瘦咯無理由唔認得架??

等我街坊鼠試下和食快餐先, 平時好多人食份量都唔細重可以加錢加配料加大, 試個炸豬扒豬骨湯拉麵先, 估唔到d拉麵真係日式麵黎, 豬扒雖然係港式但岩岩炸好熱辣辣, 日式食品變港式快餐算唔錯... 

尖.. 呢度最出名係鰻魚飯, 無加配料所淨得白飯, 不過唔緊要因為有樽鰻魚汁就掂架啦, 淋幾多自己選擇, 撈飯正呀肚飯得滯快閃就o習晒!! 証明都唔錯啦...

Qoo冬之限定LINE sticker第4彈

 古仔 :[嘿.. 上個禮拜報遲左秋之限定line sticker轉頭第2日就真係出左冬之限定啦!! :p]

放心今次第4彈會去到18年4月先完, 其實會唔會長左?? 之前3彈都係隔3個月左右就換啦喎, 即要等到出年4月先再會有Qoo活動?? v_v

日本新QooCM與爸爸洗澡親子時間

古仔 :[嘿.. 日本除左有新版Qoo上市之外, 重有新廣告上場架, 今次Qoo仔重有性感演出添... :p

 與爸爸洗澡親子時間!! 佢推出左兩個版本一個係15秒電視廣告、另一個係30秒網上廣告... :p

 Qoo仔沖涼原來真係鍾意玩鴨仔架... :p 不過我忌水

 沖完涼就更係一齊飲Qoo啦!!

 呢個15秒版完結...

 30秒版本就插左一齊洗完頭沖涼之後要用風筒吹乾佢, 哎呀!! 我隻角吹到搖搖下... :p

 然後Qoo仔好似超人出動飛起左變身咁既... :p

 今次係hard sell果汁用國內果實製造... :p

 黎啦!! Qoo仔幾神氣!!

 點知!! 就跌...

 嘿.. 嘿.. 好安全敢落地就真, 記住橙汁既橙黎自愛緩縣、蘋果汁既蘋果黎自長野縣... :p

重有line stricker download添!! 第4彈冬限定剛剛出左啦唔再係第3彈... :p

抹茶味百力支

Mickey!! Mickey!! 嘟.. do.. 嘟.. do.. 嘟.. 喂!! 古仔你有新Qoo出更係要夾埋我一齊食一齊飲既米五啦!! :p

熊熊貓你唔好睇錯呢支唔係竹葉係抹茶味百力支黎架咋, 一齊食啦...

Qoo秋之限定LINE sticker第3彈

今次秋之限定親子時間唔再用媽咪改左用爸爸, 之不過點解會搵個大粒墨既呢?? :p

睇黎個秋之限定係早排9月已推出??

因為佢話23/11即係今日啦, 之後會推出第4彈...

日本新出17國產果實製造Qoo橙汁、蘋果汁、提子汁

 古仔 :[嘿.. 嘿.. 日本Qoo有新版推出, 由國產果實製造既果汁...!!]

橙汁由出名蜜柑愛媛縣出產、而蘋果汁就有全國蘋果產量第二位既長野縣出品!!

 重有新出既提子汁呀!!

都係由產量出名既長野縣製造既!!

 嘿.. 最正係佢有4款Qoo樽圖案添, o依全部都係萬聖節既造型!! 有吸血鬼、女巫、南瓜、鬼, 好正呀!!

買Qoo唔小得抽獎, 今年經已黎到第4彈啦!! 今次係有帽Qoo毛巾, 限量300當然都係只限日本抽... V_V

都係唔小得有3條問題回答後去抽啦, 今次最特別既問題係問究竟Qoo仔講既係乜話?? 1.外星話、2.動物話、3.Qoo.. 答案笨既都應該識答啦... :p

芒果味百力支

米五 :[小熊等我介紹樣新野食過你試下... ]

小熊 :[無蜜糖... ]

米五 :[試下啦泰版芒果味百力支呀, 拎出黎已好香芒果味呀!!]

小熊 :[有無蜜糖味?]

米五 :[細路仔唔好簡飲擇食呀, 食下其他啦..., 好味架!!]

小熊 :[但我都未食過蜜糖... ]

米五 :[所以你咪唔好食咯... :p]

桂花小幸

尖.. 其實我係尖five唔係小三米, 今次我幾醒兩餐都搵到新野食, 鋸完扒後等我做返隻文青鼠先, 不過都係飲杯奶啡同芒果綠茶咋... :P

TKO廣場新開無耐台灣桂花小幸, 個名唔錯等我試下d野食先...

匙扣小熊叫左都係怪物丸入面真係有好大粒怪物架, 麵都幾大碗喎食唔食得晒呀? 

我今日全牛宴... :p 三拼牛有牛展、牛腩、牛丸, 原本係飯餐黎點知佢d飯賣晒唯有轉做麵咯, 跟餐重有碗紫魚碗湯架, 所以就算食麵加埋晒都好飽, 整體平均啦紅燒牛肉湯底濃d但有菜搭返夠... :p

金鳳大餐廳

 尖.. 其實我係尖five點知會認錯做小三米既, 今週lunch因為太餓所以食左先入所以鼠左過隔離村, 其實都無乜野好食下, 點知見到原來有間老牌餐廳係度喎?! 小過黎都唔知道添, 佢係出名幾十老牌港式平民價扒房餐廳之一, 呢間係香港第3間分店, 入到去裝修好古老亦真係好平民feel求其搵個位坐低就睇下有乜食啦...

um.. 入左去先醒起大鼠唔係平民所以個餐牌d野食其實都唔岩佢feel, 特大鼠就見到全部都流晒口水... XD

尖.. 我就無所謂見到set lunch真係好平$43個餐凍飲重唔駛加錢添喎..., 個羅宋湯都大碗又多菜!! 餐包唔係白包係黃包都好有港式feel

 尖.. 其實特大鼠最閃就係見到有得鋸扒咯... :p 但你見塊牛扒咁大塊煎到岩岩好就夠啦!! 個汁應該係佢餐廳特色黎食落有d估怪好多蒜香甜酸咸乜都齊但夾落牛扒度又幾好...

 尖.. 我重約左匙扣小熊開餐架, 不過睇佢個樣好似唔多岩食?? 因為呢杯係凍檸茶無蜜糖咯, 係咪應該要叫檸蜜?? 但唔知有無同埋應該要加錢?? :p

結果佢同大鼠一齊食個無西汁既海鮮焗飯啦呢個唔係跟餐就要加一, 不過好大碟布好多怪物重有魚都勉強岩食既... :p

平民價錢黎鋸個扒叫合格有餘算係敢啦, 不過我睇大鼠就唔多想食佢一定問點解無白汁既?? :p

鹿仔小熊

 Mickey!! Mickey!! 嘟.. do.. 嘟.. do.. 嘟.. 可愛鹿仔米五出動!!

新黎既鹿仔小熊我係鹿仔嘟一齊玩啦!!

 未到聖誕鹿仔就黎到古公館啦!!

 佢就拎定隻聖誕襪黎裝禮物, 重有佢件被我好鍾意, 因為耳仔開窿穿過去係咪好貼心呢...

 我果件得頂帽仔咋, 可惜佢借唔到我著啦... :p

 小熊扮鹿仔同我一樣咁得意...

 除帽睇下都一樣禁可愛...

 小熊又多個朋友仔啦!!

 係喎佢係唯一一隻熊有鞋著, 所以就見唔到bear頭腳印, 佢可以同我一樣好鬼鼠開雪櫃偷野食... :p

睇下我地同色架, 一齊玩啦!!