添食牛角香蔥溫泉玉子飯

 尖.. 阿肥, 唔好以為係得我一個大食, 牛角我都係第一次黎咋, 黎得最多係果位笨五哥... 

尖字派反而係最削既阿瘦同小三米黎過, set Lunch都唔駛多講照舊上得啦, 用鼠板我落單話咁易啦!!

 一個商務午餐+一個午餐, 前菜就敢齊晒兩樣架啦!!

 尖其實我地黎韓燒咋話?!

 混醬三合一你想點邊樣?!

 尖.. 其實我今次黎食香蔥溫泉玉子飯架, 因為商務套餐只係加$9就可以轉重有得添食, 兄弟幾次黎都唔記得左叫喎, 就等我幫下手啦... :p

 黎啦喂!!

 重有個午餐就更係要必食既豬頸肉啦...

 嫌唔夠燒肉汁醃得唔夠深色, 所以我再加料撈多次先!!

 埋黎啦雞腿、豬頸肉!!

 我碗雞腿豬頸肉香蔥溫泉玉子飯撈掂開飯啦!!

 有大腸燒成既肥野!!

 都講左要添食!!

重有個牛角雪糕甜點添!!

聖安娜換美粒果Qooの八達通套

 古仔: [真係估唔到連Qoo都要黎玩抽card, 搞到我以為自己玩緊card game添... :p]

 會抽到d乜呢?? 咪真係一張card不過係個八達通套黎咯!!

 要去聖安娜買4包Qoo抽一次呀!!

 真係估唔到聖安娜會有呢新搞作, 不過真係好毒下出左3款八達通套但係要抽先知係乜, 最抵死係有一款神秘版添, 究竟會係乜黎我真係唔知呀??

 嘿.. 有多多Qoo我飲就更係無所謂, 之不過抽左兩次都係captain Qoo黎喎, 起碼都中個巴士司機Qoo都好呀, 至於神秘Qoo我估都係同一職業系列架啦, 同每盒Qoo一樣Qoo
豆奶就係飛機司、Qoo蘋果汁就巴士司機、淨番一款離不開Qoo白提汁(船長)/Qoo芒果汁(消防員)架啦??

 Qoo仔幹住鴨仔團開機呀, 有兩個咁多一個儲一個用都得, 不過我最想都係抽齊晒3款啦, 活動截止日期係15/7架咋...

Captain Do :[多謝古仔頒個飛機執照比我!!]

古仔 :[喂!! 個執照好明顯係我唔係你, 你依然係無牌駕駛!!]

HEE HEE HEE

 Mickey!! Mickey!! 嘟.. do.. 嘟.. do.. 嘟.. HEE HEE HEE米五

細佬你今次出去乜都無帶到返黎比我喎...

HEE HEE HEE.. 尖Five, 只係無野食即, 袋仔都重個既... :p

米五 :[我係要o習得果d...]

HEE HEE HEE... 你唔比呢個袋入面有野食架... :p 不過今次真係無野食呀, 因為呢個Snoopy袋係雜誌SHIPS附送...

P.S CHOCOOLATE X Snoopy又黎啦...

海傍陳記

尖.. 尖Five, 上次半肥黎西遊話食飽先醒去漏左一間無去到, 所以呢次我就做個report啦, 其實佢離堅尼地城站好近, 只不過係後街比較靜所以無為意到, 不過個名同地點離海傍都差兩個街口至係喎... :p

就係係呢處直出兩個街口就係架啦... :p

究竟呢處有乜食呢, 全部都係港式最愛小食好似好正?!

連炸大腸、同啫喱都有喎

裝修就以懷舊香港相片做主題以60-70s為主因為d創意既港式小食都係由陣起...

尖.. 特大老鼠至愛碗仔翅, 用料有一樣係最估唔到有豬紅絲喎, 宜家d碗仔翅無呢樣好耐咯, 最多都係雲耳、筍絲...

見到金錢肚呢個名即刻流晒口水, 再加秘製咖喱汁撈公仔麵, 雖然咖喱汁真係幾辣下未必頂得順, 但其實又幾正...

尖.. 腸粉就大老鼠鐘意, 重要炒既添, 加左辣辣地xo醬炒又係野味o習, 就算辣辣地都要食晒佢...

話時話魚似燒賣都好似好耐無食過, 無乜特別但呢d真係港式小食黎...

重有炸雞比薯條、西多士, 好多都想食呀... 尖

SOGO食魚蛋

尖.. 尖five, 係CWB SOGO超市有魚蛋食呀!! 應該係開左無耐, 因為原本呢個位係賣蛋糕果間蝦毛cafe黎, 埋黎睇埋黎簡$20八粒魚蛋呀!! 古仔你唔駛理因為無咖喱魚蛋, 呢度係d五顏六色既魚蛋黎, 任你點有粟米、三文魚、辣椒、枝豆、菠菜..., 全部都比我試晒啦, d魚蛋睇睇下至知原來呢間係紀文黎架, 再次係SOGO復出啦!! 究竟邊隻好食D, 我淨係同你講啦淨係得粟米魚蛋好食架咋, 其次係辣椒其他可以不理... :p 重有d魚蛋食落都好似唔覺有魚蛋既?! 唯一係叫熱辣辣即炸上黎咁啦, 佢重有個$38乜都齊(包括多左魚片)

唔一樣既service

 尖.. 尖five, 睇完小M同嫲嫲去左食拉麵, 佢好耐無食擔擔麵自己一個o習晒唔預我... :p

不過我重有小籠包啦...

 排骨麵啦..., 碗麵經已比我o習左... :p

重有個海鮮湯麵添..., 講下service原來唔同地既店都有大分別架喎, 黎到金鐘呢間真係upgrade左好多呀, 唔會快手快腳好似趕客敢... :p

我地去探小M

尖.. 尖Five我代表古仔同咁多位阿哥黎探小M佢當然佢唔係叫Mickey啦... :p

尖... 佢叫Mason呀=姑姐個仔, 點解佢成日都係舉高雙手訓覺既呢?! XD 真係無放過落黎...

麻油味卡樂B薯片

Mickey!! Mickey!! 嘟.. do.. 嘟.. do.. 嘟.. 為食鼠米五!!
米五 :[喂!! 細佬我聞到好香麻油味呀!!]
尖 .. 小三米, 同包裝一樣寫住堅!! 堅正麻油味!! 我咪買返黎試下
米五 :[喂!! 香口野我地最鍾意架啦, 等我兩野就o習晒佢先!!]

尋好飲Qooの3 ~ 2013版Qoo迷你罐裝蘋果汁

 古仔 :[又係我係微波爐附近搵Qoo時間, 迷你罐裝Qoo宜家係一田超市 & citysuper都重經常見到有得賣既, 雖然2013版但到今日既設計都無乜點變]

 不過唯一係蘋果汁版推出過呢款同樽裝Qoo都有Qoo做唔同運輸或交通工具既司機一樣, 呢罐重升級到去做太空人渣大空船呀!! 係咪威過隻笨鼠去做機司呢... :p

至於背面就大同小異啦...

熊大兔

 尖.. 小三米, 我捉左一隻坐騎同一隻兔呀

近排都無野好捉, 一見到兔兔熊更要要捉比古仔啦, 點知一捉捉到兩隻...

 兔兔熊要睇返本兔兔書先

 尖.. 古仔我捉左隻兔比你呀...

古仔 :[無錯係後面睇佢係隻兔...]

 古仔 :[係前面睇好明顯係隻熊啦...]

尖.. 係新品種熊大兔呀!!

大牌檔feel既日食店

 尖.. 小三米, 鼠下鼠下去左紅磡睇下d街檔啦, 有兩個差唔多名開左好耐既日食店, A店三河舖細滿晒人所以過對面馬路B店呢間尾張屋, 基本上招牌同裝修係一樣既唯一係舖size大小小, 點知坐落中伏竟然係無冷氣熱都爆, 大老鼠佢最怕熱搞到都無乜mood... :p 不過都入左黎就試下啦, 感覺就幾港式唔知大家岩唔岩, 但又真係有日本師父煮架(後尾上菜果位講日文), 麵豉湯唯一係塊蘿蔔咸左d不過佢係佈滿左味噌, 所以我諗佢係將d蘿蔔醃左後先加落去...

 既然呢度個個推介都係黎食鰻魚飯既更係要試下, 賣相算唔錯食落都ok呀, 起碼見大老鼠唔會話佢有多細骨既話呢條鰻魚都唔錯啦...

係熱辣辣店入面重有隻傻鼠竟伏上加伏叫左個黑豚鍋都有, 其實我想食吉豬忌廉飯多d架不過可能伏左既特大老鼠爆瘡爆到唔想食啦? 最後想要個湯又要食個飯就亂叫左個熱上加熱既豬鍋, 係咁熱既地方食完都唔知食左d乜咁咯... :p

不過入到黎呢處成間都好多學生哥哥、姐姐黎食既亦坐滿都無話熱喎, 唯一係斜對面枱新坐一位大姐姐好明顯都熱到有怨言似想走... XD :p 

熱辣辣食粉啦

 尖.. 小三米, 輪到我開餐啦無乜特別都係最緊要有得坐, 熱辣辣食碗金邊粉其實都好熱架... :p

 做乜d豬頸肉係咁粉色既, 睇似唔熟但其實更係熟啦... :p

尖.. 好似未飲過凍檸蜜喎